Amazon përgatitet të pranojë blerjet me bitcoin?

Gjiganti komercial ka regjistruar një rang të domeneve të valutës digjitale, duke nxitur spekulimet se do të pranojë pagesat me bitcoin.

Amazon pritet të bëjë të ditur se do të pranojë bitcoin dhe valutat tjera digjitale në platformën e saj e-commerce, transmetojnë mediat britanike.

Kompania ka regjistruar tri domene të reja që kanë të bëjnë me valutat digjitale, duke nxitur spekulime se ajo do të njoftojë për një lëvizje të re në sektor.

Amazon nuk ka bërë të ditur asnjë lajmërim sa i përket arsyes së regjistrimit, por ajo mund të jetë në përgatitje për të pranuar valutat digjitale për pagesë.

Kompania ka regjistruar amazonbitcoin.com para tri vjetësh, e cila dërgon në faqen amazon.com.

Domenet e reja vijnë pak ditë pasi bitcoin shënoi rritje të lartë, pas lajmërimit të CME Group se planifikon të lansojë një treg të ardhshëm me këtë valutë deri në fund të vitit financiar.

Bitcoin ka shënuar vlerë rekorde prej 6,338 dollarësh të martën, ose 50 për qind më shumë që nga shtatori, dhe mbi 710% që nga Halloween i vitit të kaluar, ndërkohë që sot valuta digjitale është tregtuar mbi 7,000 dollarë. /kp/