18/08/2017
Të paktën 13 persona gjetën vdekjen kur një furgon u përplas për një turmë njerëzish në një zonë të populluar me turistë në qytetin e Barcelonës.
Përveç të vdekurve, përcjell Telegrafi, thuhet se rreth 110 veta janë lënduar, disa edhe rëndë, nga ky incident, i cili është cilësuar si një sulm terrorist.
Ndërkohë është publikuar një video që tregon një polic të Barcelonës që mbante një fëmijë i cili ishte hedhur jashtë një karroce fëmijësh, e cila mund të shihet në trotuar.
Ai është duke u përpjekur të qetësojë fëmijën e frikësuar pasi kolegët e tij me sa duket se merren me nënën e tmerruar të foshnjës, duke e ndihmuar atë që të ngrihet. /Telegrafi/