Agjenti i Iker Casillasit flet për gjendjen e fundit të portierit

Iker Casillas, portieri spanjoll, gjatë ditëve të kaluara pësoi një sulm në zemër dhe me urgjencë u dërgua në spital.

Legjenda e futbollit të Real Madridit dhe aktualisht gardian i Portos, Casillas tashmë po e rimerr veten pas atakut kardiak që e pësoi në qendrën stërvitore portugeze.

Për mediat ka folur gjatë ditës së sotme edhe Carlo Cutropia, përfaqësuesi i 38-vjeçarit, i cili ka treguar se si është portieri pas tronditjes së madhe që pësoi të martën.

Todo controlado por aquí, un susto grande pero con las fuerzas intactas. Muchísimas gracias a todos por los mensajes y el cariño 😃💪🏼 pic.twitter.com/i3TXsELUGD

— Iker Casillas (@IkerCasillas) May 1, 2019

“Në gjysmën e stërvitjeve, Iker ndjeu shumë dhimbje në kraharor, në gojë dhe në krahë. Ai nuk ishte i vetëdijshëm se po përjetonte një sulm në zemër”.

“Nuk kemi parë ndonjë simptomë te Casillas. Iker ka pasur të gjithë fatin e botës që ishte duke stërvitur para mjekëve të Portos. Po të ndodhte kjo në shtëpi, pasojat do të ishin të paparashikueshme”.

“Pasdite, Iker ishte Ikeri që e njohim: duke bërë shaka dhe ishte i lumtur. Nëse do ta lë spitalin këtë pasdite si një luftëtar pse nuk do të luante përsëri”, tha ai.

Ndryshe, Casillas së fundmi ka rinovuar kontratën me Porton, duke i dhënë mundësi të jetë pjesë e portugezëve deri në moshën 40 vjeçare. /Telegrafi/