Abdixhiku tregon çka mund të bëhet me milionat e ndarë për RTK-në: 365 fëmijë në vit – të shëruar nga sëmundjet vdekjeprurëse

Analisti Lumir Abdixhiku,. ka krahasuar shpenzimin e buxhetit të një dite në Radio Televizionin e Kosovës me shpenzimin e mundshëm për gjëra tjera.

• LEXO PO ASHTU: Abdixhiku: 10 milionë eurot në vit për RTK-në, mund të shpërndahen në zhvillim, punë e mirëqenie!

Abdixhiku ka shkruar se Komisioni Parlamentar ka votuar që nga 29 mijë euro në ditë, RTK të financohet me 52 mijë euro në ditë. Abdixhiku, që është profesor dhe njohës i mirë i çështjeve ekonomike ka listuar se çka mund të bëhet me ato para nëse shpenzohen në rrugë tjera.

Kjo është lista e shpenzimeve të mundshme nga ai:

“- Një vit pa financim buxhetor të RTK-së, do të thoshte 365 banesa për aq familje skamnore kosovare.

– Një vit pa financim buxhetor të RTK-së, do të thoshte 365 fëmijë e të rinj të shëruar nga sëmundjet vdekjeprurëse.

– Një vit pa financim buxhetor të RTK-së, do të thoshte 365 biznese të teja të nisura.

– Një vit pa financim buxhetor të RTK-së, do të thoshte 365 mënyra më të mençura të shpenzimit të parasë publike.

Ky vend shumë po qëndron çfarë po i bëjnë. Propozimi i marres ka kaluar në Komision; nuk bën të votohet në Parlament”, ka thënë Adxihiku.