Presidenti ukrainas Volodymyr Zelensky ka mbërritur në Downing Street të Londrës për një takim me kryeministrin britanik Keir Starmer.
Dyshja u përqafua dhe shtrëngoi duart duke injoruar pyetjet e gazetarëve, përpara se të hynin brenda.
Një qilim i kuq ishte shtruar për mbërritjen e presidentit ukrainas.
Downing Street ka dhënë pak detaje rreth asaj që dyshja do të diskutojë në bisedimet e tyre, por takimi vjen vetëm një ditë para se Donald Trump të takohet me Vladimir Putin në Alaska për të diskutuar një armëpushim në Ukrainë.
Ndryshe, raportohet se Trump po përgatitet t’i ofrojë Vladimir Putinit qasje në minerale të rralla të tokës për ta nxitur atë të përfundojë luftën në Ukrainë.
Propozimet përfshijnë dhënien e qasjes Putinit në mineralet e rralla të tokës në territoret ukrainase të pushtuara aktualisht nga Rusia. /Telegrafi/
