Vajza që emocionoi botën, ja si i fshin lotët Messit

Në rrjetet sociale po qarkullon një foto e një vajze të vogël, që shikon Leo Messin në ekranin e televizorit duke qarë, pas dështimit në finalen e “Copa America”, ndaj Kilit, dhe me një shami që ka në dorë i fshin lotët yllit të Barcelonës.

Pra, lamtumira e paralajmëruar e Leo Messit nga ekipi kombëtar i Argjentinës ka tejkaluar çdo kufi. Ky vendim nuk është me ndikim të madh vetëm në vendin e tij, Argjentinë, por edhe në të gjithë globin, kudo ku Leo Messi është konsideruar lojtari më i mirë në botë.

Ndaj, ndikimi i eliminimit të tij nga finalja e “Copa America”, lotët që i rrodhën faqeve nga humbja e finales së katërt në kompeticione madhore me “Albiceleste”, njoftimi i lamtumirës nga kombëtarja, ka kaluar çdo parashikim. Imazhet e Leo Messit të dëshpëruar maksimalisht në të njëjtën fushë, pasi humbi penalltinë e parë të të tijve, prej nga u vendos finalja Argjentina-Kili, bënë xhiron e mediave e rrjeteve sociale nëpër botë, trasnmeton telesport.al.

Megjithatë, fotografia që i ka prekur të gjithë, edhe më shumë se imazhet e Messit të përlotur, është e kësaj vajze të vogël japoneze, që nuk i gëlltit dot lotët e yllit argjentinas, por mundohet t’i fshijë ato. Një vajzë që fshin lotët e “Pleshtit” në ekranin televiziv. Një imazh i cili është bërë virus viral në rrjetet sociale.