Ukrainasit pretendojnë se istikamet e rusëve në Bakhmut, i kanë shndërruar në varreza për ushtarët e Putinit

Forcat ukrainase kanë arritur të shkatërrojnë istikamet e rusëve dhe t’i shndërrojnë në varreza në qytetin e Bakhmutit, rreth të cilit ukrainasit dhe rusët zhvillojnë luftime të ashpra prej muajsh, ka njoftuar zyra e rojeve kufitare të Ukrainës në kanalin zyrtar në Telegram.

“Këmbësoria e Federatës Ruse ka hapur istikame në një pjesë malore. Luftëtarët tanë ato kanë arritur t’i godasin me predha. Pesë prej pushtuesve janë varrosur në ta, e katër tjerë janë plagosur gjatë sulmeve”, thuhet në kumtesë, transmeton Telegrafi.

Kujtojmë që Rusia për sulme në lindje të rajonit Donbas ishte mbështetur tek mercenarët e Wagnerit, përfshirë qindra të burgosur që ishin rekrutuar në këtë organizatë famëkeqe.

Lexo po ashtu Pati paralajmëruar se lufta do të fillojë më 24 shkurt në ora 4, tani thotë se do ta rikthejnë Krimenë – flet kreu i shërbimit të inteligjencës ushtarake të Ukrainës

E mobilizimit i qindra mijëra rezervistëve tjera në fund të vitit të kaluar, i mundësoi Moskës të rrit numrin e ushtarëve të rregullt, që kishin pësuar humbje jashtëzakonisht të mëdha në fillim të luftës.

Ndërkaq me marrjen e armëve moderne, Kievi mëton që të çlirojë çdo pëllëmbë të territorit të Ukrainës, përfshirë edhe Krimenë e aneksuar nga rusët në vitin 2014. /Telegrafi/