Ukraina me raketat britanike Storm Shadow ka goditur bunkerët e Putinit në Kursk

Një video e sulmeve me raketa është filmuar pranë pronës historike të familjes Baratynsky, e cila tani shërben si sanatorium nën kontrollin e administratës presidenciale ruse.

Objekti i sulmuar, i vendosur në pjesën lindore të pronës, përshkruhet si një “qendër komunikimi”.

Videoja supozohet se tregon momentin e sulmit me Storm Shadow.

Ukraine could have struck Putin’s bunker in the Kursk region with a Storm Shadow missile

The video of the missile strikes was filmed near the historic Baratynskys’ estate, now a sanatorium under the control of the Russian presidential administration. The target, located in the… pic.twitter.com/pX78ABGrls

— NEXTA (@nexta_tv) November 20, 2024

“Sipas të gjitha gjasave, nuk bëhet fjalë vetëm për një strukturë të zakonshme komunikimi, por për një post komandimi nëntokësor. Duke marrë parasysh afërsinë e sanatoriumit, është shumë e mundur që ai të përdorej nga komandat e forcave ruse në rajonin e Kurskut. Dhe duke qenë se trupa nga Koreja e Veriut operojnë aty, ka gjasa që edhe gjeneralë koreanoveriorë të jenë të pranishëm”, theksohet në publikim.

Një strukturë e tillë justifikon përdorimin e një numri të konsiderueshëm të raketave Storm Shadow/SCALP, të cilat kanë një kokë luftarake prej 450 kg të krijuar posaçërisht për të shkatërruar objektiva të mbrojtura.

Ky zhvillim vjen pas vendimit të Shteteve të Bashkuara për ta lejuar Ukrainën të përdorë raketat me rreze të gjatë veprimi ATACMS kundër Rusisë, një lëvizje që Uashingtoni e kishte shmangur për gati 33 muaj lufte. /Telegrafi/