Transformimi i Dani Ceballos filloi në 3398 metra mbi nivelin e detit: Nga maja e Veletas deri në mbretërimin në Etihad

Pas ndeshjes, Dani Ceballos i tha Brahim Diazit se e kishte shpëtuar nga dy muaj pushim të detyruar. Në të kaluarën, gabimi i tij ndaj Phil Foden në Etihad mund të kishte pasur pasoja të rënda, por jo për “Ceballosin e ri”, të cilin Carlo Ancelotti e vlerëson pa masë.  

Mesfushori madrilen, pavarësisht gabimit të tij në zonën e penalltisë, u duartrokit për lojën spektakolare kundër Man Cityt. Ai është i padiskutueshëm. 

Ceballos po kalon momentin më të mirë në Real Madrid, rezultat i një transformimi që nisi verën e kaluar me përgatitje intensive në Sierra Nevada.  Duke punuar në lartësi dhe madje duke arritur majën e majës Veleta, në 3398 metra mbi nivelin e detit.

View this post on Instagram

A post shared by Daniel Ceballos Fernandez (@danifuli10)

Ndërsa të tjerët pushonin në plazhe, ai punonte me Bernardo Requena, të njëjtin trajner si Sergio Ramos, për të ndërtuar një bazë të fortë fizike. Rezultati? Asnjë dëmtim muskulor gjatë gjithë sezonit dhe paraqitje mbresëlënëse. 

Përveç përgatitjes fizike, ai e kuptoi se duhej të ndryshonte edhe stilin e lojës.  

Më shumë pasime, më pak driblime, për t’iu përshtatur nevojave të skuadrës, veçanërisht pas largimit të Toni Kroos.  

Në Etihad, ai kishte një përqindje të shkëlqyer të pasimeve (93%), duke treguar pjekurinë e tij taktike. 

Megjithatë, rruga deri aty nuk ishte e lehtë. Në fillim të sezonit, ai luajti shumë pak për shkak të konkurrencës dhe një dëmtimi në kyçin e këmbës. Por, me këmbëngulje, ai vazhdoi punën fizike sipas planit të Requenas, stërviti pa pushim në Valdebebas dhe në shtëpi, duke u shndërruar në një mesfushor “box-to-box” të kompletuar.  

Ai kujdeset rigorozisht edhe për dietën, duke ndjekur këshillat e nutricionistëve të klubit. 

Ancelotti është i kënaqur me këtë version të Ceballos.   “Ai dhe Camavinga kanë qenë mbresëlënës”, deklaroi ai pas ndeshjes në Manchester.  

Dani Ceballos i jep skuadrës gjithçka: shpërndarje, kontroll loje, punë, rikuperim… dhe shkëlqim.  

View this post on Instagram

A post shared by Daniel Ceballos Fernandez (@danifuli10)

Pasimi i tij i mrekullueshëm për Kylian Mbappen, që solli golin e barazimit (1-1), është prova e fundit se ai është bërë një element i pazëvendësueshëm për Real Madridin. /Telegrafi/