“Tani ose kurrë” – Hazard përballet me momentin e tij vendimtar te Real Madridi

Një foto e Eden Hazard i ul në stolin e Real Madridit nuk është më një e pazakontë, duke pasur parasysh se ai ka kaluar 930 nga 960 minutat e fundit në stol.

Hera e fundit që ai e nisi një ndeshje për Los Blancos ishte 28 shtatori, kundër Sherifit , dhe që atëherë ai ka luajtur vetëm një orë në pesë paraqitje, më e gjata ishte 21 minuta kundër Osasunas.

I konsideruar si yll i La Liga, ai nuk ka luajtur që nga fitorja 2-1 ndaj Rayo Vallecano më 6 nëntor.

Pesë ndeshje më vonë, dy të humbura për shkak të sëmundjes, ai duket jashtë nga planet e Ancelottit pas trajneri e bëri të qartë se ai nuk ishte në gjendjen e tij më të mirë.

Megjithatë, COVID-19 ka goditur skuadrën e Real Madridit, pasi Rodrygo Goes, Marco Asensio dhe Gareth Bale janë goditur të gjithë. Kjo i jep Hazardit një shans për të shoqëruar Karim Benzema dhe Vinicius Junior në vijën e sulmit.

Ancelotti mund të mos e preferojë belgun sërish dhe të ndryshojë formacionin në 4-4-2 me Fede Valverde ose Eduardo Camavinga me tre të tjerët e mesfushës.

Çështja është se Hazard nuk mund të luajë në pozicionin e tij të preferuar në krahun e majtë, pasi Vincius e ka bën këtë gjë. Vinicius është i palëkundur në formacion, që do të thotë se Hazard duhet të luajë jashtë pozicionit siç bëri kundër Sherifit në “Santiago Bernabeu”.

Belgu ka luajtur vetëm në të majtë në sulm kundër Alaves dhe Levante këtë sezon.

E ardhmja e tij në ajër

Nëse Hazard nuk kthehet në planet e Ancelottit, kjo do të ngrejë pikëpyetje mbi të ardhmen e tij në afatin kalimtar të janarit.

Lille, ku Hazard u bë i famshëm, ka hapur dyert e tyre si një shtëpi e përkohshme për të deri në fund të sezonit.

Me Vinicius dhe ndoshta Kylian Mbappe në të ardhmen, shanset e tij në Real Madrid janë të kufizuara.

COVID-19 dhe një orar i ndërlikuar do të thotë që Ancelotti do të duhet të marrë një vendim për formacionin, dhe ai në lidhje me Hazard mund të jetë vendimtar. /Telegrafi/