SpaceX ka lansuar një grup të ri satelitësh të internetit Starlink në orbitë

SpaceX ka lansuar me sukses një grup të ri satelitor të rrjetit të saj të Internetit Starlink.

Sipas mediave të huaja, përcjell Telegrafi, nisja e re pasoi një “tragjedi teknike” për një kompani në të cilën humbën 38 satelitë Starlink.

Nisja mund të ndiqej drejtpërdrejt përmes YouTube dhe raketa Falcon 9 u lëshua me sukses dhe mori me vete 46 satelitë që do t’u shtohen atyre ekzistues në plejadën Starlink.

Me këtë ekipi i SpaceX vazhdon aty ku e la pasi humbi 38 nga 49 satelitët e lëshuar në fillim të këtij muaji për shkak të një stuhie gjeomagnetike.

Watch Falcon 9 launch 46 Starlink satellites to orbit → https://t.co/bJFjLCzWdK https://t.co/HIeJL2TVUY

— SpaceX (@SpaceX) February 21, 2022

Rreth nëntë minuta pas ngritjes, faza e parë e raketës Falcon 9 u kthye në atmosferë dhe u ul në mënyrë perfekte në “A Shortfall of Gravitas” në Oqeanin Atlantik, disa qindra kilometra larg brigjeve të Floridës.

Nisja fillimisht ishte planifikuar të bëhej të dielën, por u shty për një ditë për shkak të motit të pafavorshëm.

Satelitët po bëhen gjithnjë e më shumë në numër dhe agjencia amerikane e hapësirës NASA paralajmëron mundësinë e një përplasjeje në hapësirë.

Në këtë drejtim thuhet se aktualisht, NASA po gjurmon 25,000 objekte në orbitë dhe të gjitha kanë potencialin “të bëhen mbeturina hapësinore”. /Telegrafi/