Zjarrfikësit në rajonin rus të Rostovit nuk mund ta shuajnë zjarrin në depon e dytë të naftës.

Tre tanke karburanti tashmë kanë marrë flakë në depon e naftës Atlas në rrethin Kamensky.

Kreu i administratës vendore siguron se gjithçka është nën kontroll, por se e ka ngritur nivelin e sigurisë në rajon.

Kjo është dita e 11 radhazi që po digjet depoja e naftës në Proletarsk dhe se rusët nuk po mund ta vendosin nën kontroll.

Zona e zjarrit është "reduktuar ndjeshëm", raportojnë mediat ruse, por videot e publikuara po thonë të kundërtën.

Ndryshe, Ukraina tash e disa javë kanë nisur sulme masive brenda territorit rus duke shkaktuar dëme të mëdha materiale. /Telegrafi/

EvropaBotëNga Bota