Shtatë persona janë vrarë në mesin e tyre tre fëmijë në qytetin Lviv në pjesën perëndimore të Ukrainës, ka njoftuar kryebashkiaku derisa fliste për valën e re të sulmeve ruse.
Sulmi ndodhi derisa Ukraina përjetoi një tjetër sulm vdekjeprurës, ku humbën jetën të paktën 50 persona gjatë bombardimi të institutit ushtarak në qendër të qytetit Poltava, transmeton Telegrafi.
Kryebashkiaku i Lvivit, Andriy Sadovy tha se Rusia ka sulmuar me dronë dhe raketa hipersonike. E në mesin e të vrarë ka edhe një foshnje dhe një vajzë 14-vjeçare.
Shpërthimet janë dëgjuar në tërë kryeqytetin ukrainas, derisa mbrojtja kundërajrore shënjestroi raketat ruse. Në anën tjetër, pesë persona raportohet se janë lënduar pasi ndërtesat kolektive u goditën në qytetin e Kryvyy Rih.
Ushtria ukrainase njoftoi se i tërë vendi është nën alarmin e sulmeve ajrore. Sadovy theksoi se shumë ndërtesa kolektive janë përfshirë nga zjarri, derisa dy shkolla janë mbyllur si rezultat i sulmeve.
Presidenti Volodymyr Zelensky ka premtuar hakmarrje për sulmet, duke ripërsëritur thirrjen për dhurimin e sa më shumë sistemeve të mbrojtjes ajrore nga vendet perëndimore, me qëllim që të mund ta mbrojnë veten nga raketat me rreze të gjatë veprimi. /Telegrafi/
