Rita Ora dukej elegante dhe në disponim të mirë, e shoqëruar nga i dashuri i saj në pas-ndejën e ‘Super Bowl’

Rita Ora dukej e bujshme të dielën, teksa vuri në pah barkun e saj të tonifikuar me një bluzë fildishi dhe një fund të bardhë në pas-ndejën e ‘Super Bowl’.

Këngëtarja 31 vjeçe, ishte në formë të mirë teksa u largua nga stadiumi “SoFi” në Kaliforni së bashku me të dashurin Taika Waititi, 46 vjeç, pasi pa Los Angeles Rams duke mposhtur Cincinnati Bengals në rezultat 23-20 në një rikthim të çerekut të katërt.

Rita mahniti me kordonin e saj të mrekullueshëm, të cilin e kishte kombinuar me një bollëk unazash ari, varëse dhe rrathë, shkruan DailyMail.

Interpretuesja e hitit “Anywhere” i kishte lënë flokët e saj bionde në valë të lirshme, ndërkohë që vinte në pah tiparet e saj me një gamë të hijshme grimi.

Rita publikoi gjithashtu në llogarinë e saj zyrtare në Instagram disa fotografi me të dashurin e saj, aktorin dhe regjisorin Taika, ku çifti dukeshin në tribunat e stadiumit.

Ajo shkroi në mbishkrimin e fotografive: “’Super Bowl 2022’! Njerëzit e mirë dhe qyteti vendas fitoi! Çfarë kohe!”.

Ndërkohë, regjisori i “Thor: Love and Thunder” publikoi një ‘selfie’ të vetes, duke shkruar krahas postimit të tij: “Kjo është më mirë”.

Rita më vonë u pa e veshur me xhinse dhe korse me printe leopardi me material sateni, teksa merrte pjesë në një pas-ndejë të organizuar pas mbarimit të ‘Super Bowl’.

Ajo kishte vënë në kokë një kapele ku shkruhej “No fake friends (Jo miq të rremë)” teksa po dilte me qejf nga ndeja.

Rita ka gati një vit që është në lidhje me aktorin dhe regjisorin e Taika Waititi.

Kjo paraqitje e saj vjen pasi Rita zbuloi se ngrirja e vezëve ishte ‘gjëja më e mirë që ajo ka bërë ndonjëherë’ në një intervistë të sinqertë.

Këngëtarja i tha tabloidit The Independent se do t’i pëlqente të kishte një familje të mirë dhe të madhe, dhe gjithashtu e komentoi romancën e saj me Taikan, duke thënë se “nuk priste të gjente dashuri” në Australi.

Rita e lindur në Kosovë ngriu vezët e saj në moshën 24 vjeçare dhe më pas përsëri në moshën 27 vjeçare pasi kërkoi këshillën e mjekut të saj.

Duke folur për The Independent, ajo tha për procesin: “Do të doja të kisha një familje të madhe të bukur! Unë mendoj se si gra, ne e bëjmë këtë presion mbi veten tonë, në mënyrë të pandërgjegjshme, sepse mendojmë se kjo është detyra jonë – të krijojmë dhe të japim jetë”.

“Pra, thjesht doja të mos shqetësohesha për këtë. Dhe nuk e bëra, dhe ishte gjëja më e mirë që kam bërë ndonjëherë”, tha këngëtarja shqiptare. /Telegrafi/