Real Madridi dëshiron të rinovojë kontratën e Benzemas

Real Madridi po mendon të ofrojë një kontratë të re për sulmuesin Karim Benzema, i cili momentalisht është i lidhur deri në vitin 2021.

Los Blancos janë të etur për ta zgjatur kontratën e Benzemas deri në vitin 2023 dhe gjithashtu të rrisin pagën e tij, për ta përshtatur atë me statusin e tij aktual të liderit brenda ekipit.

Paga e francezit është nën ato të lojtarëve tjerë si Gareth Bale dhe Sergio Ramos, megjithëse ai ka qenë një nga performuesit më të mirë të ekipit në vitet e fundit.

Lexo po ashtu Hazard: Benzema është sulmuesi më i mirë në botë

Dy palët kanë hyrë tashmë në negociata, por ata ende nuk kanë arritur një marrëveshje.

Benzema, megjithatë, nuk e ka me nxitim për të nënshkruar një kontratë të re me Real Madridin, pasi dëshiron të jetë i sigurt se do të ruajë të njëjtin status në sezonet e ardhshme, pasi afrohet në ditëlindjen e 32-të.

Ëndrra e tij është të vazhdojë të jetë pjesë e Los Blancos, por ai dëshiron të jetë në gjendje të përmbushë pritjet e ekipit si në futboll, ashtu edhe në aspektin fizik.

Presidenti i klubit Florentino Perez ka qenë gjithmonë një admirues i talentit të Benzemas, madje në disa nga momentet më të komplikuara të sulmuesit.

Lexo po ashtu Benzema i reagon kryetarit të federatës franceze të futbollit, i kërkon ta lejojë ndërrimin e kombëtares

Lojtari arriti në Spanjë në moshën 21 vjeç dhe një dekadë më vonë ai duket se po kalon rininë e tij të dytë.

Disa klube të Ligës Premier, si dhe Paris Saint-Germain, mund të bëjnë një lëvizje në rast se nuk nënshkruhet asnjë marrëveshje mes Real Madrid dhe lojtarit, megjithëse ky i fundit nuk është i gatshëm të dëgjojë asnjë ofertë për momentin. /Telegrafi/