Ramos: Unë i gjuaj penalltitë te Reali, Benzemas ia lejova shkaku i shoqërisë  

Largimi i Cristiano Ronaldos nga Real Madridi ka bërë që Sergio Ramos të bëhet gjuajtësi i penalltive për sezonin 2018/19, por pas ekzekutimit të një penalltie të dielën mbrëma, kapiteni ia lejoi të dytin Karim Benzemës.

Benzema është goditësi i dytë i penalltive që nga largimi i portugezit dhe Ramos shpjegoi se ai i dha shansin francezit si një shfaqje shoqërie.

“Unë jam ekzekutuesi i parë i penalltive dhe ai [Benzema] është i dyti”, ka thënë fillimisht Ramos pas fitores së kënaqshme 4-1 ndaj Gironas.

Lexo po ashtu Reali kthehet pas golit të pësuar dhe i shënon katër herë Gironas

“Ju nuk duhet të jeni egoistë, ju duhet të tregoheni të shoqërueshëm”.

Ramos foli edhe për ekzekutimin e tij me ‘panenka’, goditje që rezultoi me sukses dhe gol.

https://www.youtube.com/watch?time_continue=38&v=fiVDs_PP39Q

“Ishte krejtësisht e improvizuar”.

“Kjo ishte një teknikë që e kam përdorur që një kohë të gjatë dhe zakonisht portierët e dinë, por ishte një mundësi e mirë për ta bërë këtë”, përfundoi spanjolli.

Benzema gjithashtu shënoi penalltinë e tij, ndërsa Real Madridi mori fitoren e dytë në La Liga. /Telegrafi/