Putini nuk dëshiron që e vërteta të dalë në shesh – arreston gazetarët e huaj që raportonin për protestën e grave të ushtarëve që po luftojnë në Ukrainë

Policia ruse arrestoi të shtunën një grup prej rreth 20 gazetarësh, duke përfshirë një reporter të AFP-së, që mbulonin një protestë në qendër të Moskës nga gratë e burrave të mobilizuar për të luftuar në Ukrainë.

Një gazetar pohoi se reporterët rusë dhe të huaj po transportoheshin me një furgon në një stacion policie, raporton themoscowtimes.

Lexo po ashtu Presidenti polak befason me përgjigjen, tregon cilin territor dyshon se mund ta rikthejë Ukraina

Grupi – të gjithë reporterë meshkuj – u ndalua teksa mbulonte dhe filmonte gratë duke ecur deri në Sheshin e Kuq të Moskës.

Tashmë janë publikuar pamjet që shfaqin policinë duke arrestuar gazetarët, të cilët i kanë dërguar në furgonat e policisë.

This is what a protest rally of relatives of those mobilized in Moscow is currently taking place.

Protesters have already begun to be detained. There are no provocateurs in "patriotic" T-shirts yet. pic.twitter.com/SXqizBO3nf

— NEXTA (@nexta_tv) February 3, 2024

Për disa javë, gratë e burrave të mobilizuar kanë organizuar protesta jashtë mureve të Kremlinit, duke kërkuar që burrat të kthehen në shtëpi.

Lëvizja është rritur nga zemërimi i të afërmve të rezervistëve të dërguar në Ukrainë sipas dekretit të mobilizimit të shtatorit të vitit 2022 të presidentit rus, Vladimir Putin.

Lexo po ashtu Rusia dëshiron zonë të çmilitarizuar në Ukrainë, SHBA-ja tregon kushtin e vetëm që duhet të plotësojë Putini

Lëvizja – jashtëzakonisht e ndjeshme për autoritetet – deri më tani ka mbetur e pandëshkuar. Ajo është injoruar nga media shtetërore.

Tema është veçanërisht e pakëndshme për Kremlinin përpara zgjedhjeve presidenciale të muajit mars, ku Putin po kandidon për një mandat të pestë. /Telegrafi/