Disa prej kompanive më të mëdha botërore kishin vendosur që të shpalosin shumë prej zbulimeve të tyre të shumëpritura në këtë shfaqje.
Ndër to, ajo që më pak bëri zhurmë por më së shumti ishte prezente ishte Windows, me sistemin e ri operativ, Windows 8. Gati se secili prej prodhuesve të kompjuterëve në Berlin që po shfaqte produktet më të fundit si PC, tablet dhe laptop ishin të dizajnuara veçanërisht për sistemin e ri të ndjeshëm në prekje të Windows. Numri i hibrid laptop-tabletëve u rrit aq shumë, sa që nuk mund të dallohen se cilit prodhues i takojnë.
Ndër produktet tjera që kanë lënë mbresa në lansimin e tyre ishin edhe televizorët gjigant 84inç që vijnë nga Azia. Prodhuesit e ndryshëm aziatik si Sony, LG dhe Toshiba kanë prezentuar gjeneratën e re të TV-ve.
Megjithatë, çmimet nuk përmendeshin shumë, ndoshta pasi që ata nuk mund as të preken! Flitet se vlera e një produkti të tillë sillet prej 14,000 deri në 20,000 funta.
Një tjetër produkt fascinues erdhi nga njëra prej dy kompanive më të përfolura këto ditë –Samsung. Kësaj rradhe bëhet fjalë jo për një super-telefon të ri por për një aparat. Samsung prezentoi kamerën e parë të kompanisë që punon në Android (JellyBean), Galaxy Camera.
Tiparet kryesore që na janë bërë të ditur janë zmadhim 21x, sensor 16MP dhe monitor LCD 4.8 inc.
Nëse Galaxy Camera tregohet produkt i suksesshëm, do t’i shtyj çdo prodhues tjetër të pajisjeve teknologjike të prodhojnë diçka të ngjashme (përfshirë edhe Apple). /Telegrafi/
