Pritjes i vjen fundi, “MONOPOLY KOSOVA”, zyrtarisht në tregun tonë

Loja e famshme, “MONOPOLY”, e cila është e përkthyer tashmë në 45 gjuhë, duke e përfshirë edhe verzionin në shqip, do ta këtë lansimin e saj zyrtar në amfiteatrin e sheshit, “Zahir Pajaziti, më 28 shtator, duke filluar nga ora 17:00.

Në eventin e lansimit, do të ketë shumë të ftuar, dhe aktivitete të ndryshme që do të përshkojnë këtë ngjarje. Gjatë eventit, do të zbulohet bordi i madh në gjuhën shqipe, në ekuivalentin kosovar, me bizneset vendore dhe me emërtimet e qyteteve të 7 komunave kryesore: Prishtina, Mitrovica, Peja, Prizreni, Gjilani, Ferizaj dhe Gjakova dhe bukurive të Kosovës.

Ndër të tjera, mysafirët, do të mund të s’provohen në lojën e bordit, “MONOPOLY KOSOVA”, me njëri tjetrin. Gjithashtu, do të ketë muzikë dhe atmosferë argëtuese për të pranishmit.

Qëllimi i këtij eventi është promovimi i vlerave dhe trashegimisë së Kosovës nëpërmjet lojës së famshme MONOPOLY.

Ideja e këtij projekti është që të bashkojmë familjet me fëmijë për të kaluar kohë më të gjatë duke u argëtuar dhe socializuar me njëri tjetrin, e prindërit t’i largojnë fëmijët për një kohë nga telefonat, televizori e teknologjia.

Në javët në vijim, eventet e ngjashme do të organizohen në komunat tjera kryesore të Kosovës, në mbështetje të fëmijëve, për të stimuluar aktivitet më ndryshe nga dinamike e përditshme që diktohet nga teknologjia. MONOPOLY KOSOVA është e fokusuar që në të gjtiha komunat që nëpërmjet lojës së bordit “MONOPOLY”, të stimulohet mendimi kritik, intelegjenca, njohuritë të përgjithshme, gjindshmëria, me eventeve të tilla, si aktivitete ekstra kurikulare.

Mesazh nga Mr. Monopoly:

Mirë se erdhët në MONOPOLY – Edicioni i Kosovës!

Ku lojtarët mund të kënaqen me pamjet më piktoreske që Kosova i ofron, nga Mitrovica te Newborn-i në Prishtinë: të gjitha mund ti keni! Filloje aventurën me një udhëtim në

Pejë për të vizituar Grykën e Rugovës, duke e vazhduar me një ngjitje në Malet e Sharrit. Eksploro Prizrenin historik ndërsa kur të mungon natyra, vizito Liqenatin për të

përjetuar bukuritë që i ofron. Në këtë edicion special, ju mund të investoni në kompanitë më të mëdha dhe në këtë mënyrë të rrisni profitin tuaj! Hapni

letrat e Shansit dhe Arkës së Komunitetit për shpërblime dhe dënime të papritshme. Bëhuni gati të hidhni zaret dhe të ndërtoni perandorinë tuaj të Kosovës!

Me respekt,

Mr. Monopoly