Nëse jeni të vaksinuar dhe jeni ekspozuar ndaj COVID-19, ja çfarë duhet të bëni

Çfarë duhet të bëni nëse jeni plotësisht të vaksinuar kundër COVID-19, por jeni të ekspozuar ndaj dikujt që ka rezultuar pozitiv për sëmundjen? Jo shumë, sipas Qendrave Amerikane për Kontrollin dhe Parandalimin e Sëmundjeve (CDC)-nëse nuk filloni të shfaqni simptoma të COVID-19.

“Nëse keni qenë afër dikujt që ka COVID-19, nuk keni nevojë të qëndroni larg nga të tjerët ose të testoheni nëse nuk keni simptoma”, sipas udhëzimit zyrtar të CDC për COVID-19, për individët plotësisht të vaksinuar.

Udhëzimi gjithashtu vëren se “njerëzit e vaksinuar plotësisht kanë një rrezik të zvogëluar të transmetimit të SARS-CoV-2 tek njerëzit e pavaksinuar. Ne kemi të dhëna që njerëzit që janë plotësisht të vaksinuar, edhe nëse rezultojnë pozitivë, janë kryesisht asimptomatik dhe nuk po e përhapin sëmundjen te njerëzit që nuk janë të vaksinuar”, tha Dr Jennifer Horney, themeluese dhe drejtoreshë e programit të epidemiologjisë në Universitet të Delaware. “Kjo ishte ajo që e bëri CDC të hiqte maskat për individët e vaksinuar”.

Por njerëzit e vaksinuar duhet të monitorojnë veten për simptoma të COVID-19 për 14 ditë pas çdo ekspozimi, tha CDC. Dhe nëse përjetoni simptoma, duhet të izoloheni nga njerëzit e tjerë dhe të testoheni për coronavirusin e ri, edhe nëse jeni plotësisht të vaksinuar.

Simptomat tipike të COVID-19 përfshijnë ethe, kollë, vështirësi në frymëmarrje, humbje të ndjenjës së shijes ose erës, mbingarkesë dhe lodhje. Disa simptoma të COVID-19 mund të imitojnë ato të ftohjes së zakonshme, veçanërisht në mesin e njerëzve që kanë një rast të butë të sëmundjes. /Telegrafi/