Pas pesë ndeshjeve me rezultat 2-0 në ditën e parë, turneu IEM Katowice që po mbahet në Katowice të Polonisë vazhdon me ndeshje të cilat priten të jenë edhe më interesante në ditën e dytë.
Vazhdon gara në Katowice, ku 16 skuadra po garojnë për grupin e çmimeve prej 1 milion dollarësh.
Dita e dytë pritet të jetë edhe më interesante se ajo e para, ku do të zhvillohen gjithsej gjashtë ndeshje.
Përballja më interesante e ndeshjeve për ditën e diel pritet të jetë ajo mes G2 dhe FaZe, ku të dyja skuadrat po kalojnë një formë fantastike së fundmi.
Gjithashtu ndeshja ndërmjet Liquid dhe Na’Vi pritet të jetë e nxehtë, pasi të dyja skuadrat kaluan një formë jo të mirë turneun e fundit.
Më poshtë e gjeni orarin e plotë të ndeshjeve për ditën e dytë të IEM Katowice:
12:30 Heroic – Complexity
12:30 Outsiders – fnatic
16:00 G2 – FaZe
16:00 BIG – Spirit
19:30 Na’Vi – Liquid
19:30 Cloud9 – IHC
/Telegrafi/