Aktori turk, Can Yaman, është vlerësuar me çmimin “Personaliteti televiziv i vitit” në Lido di Venezia, si pjesë e Festivalit të Filmit në Venecia.
Aktori duket se ka konfirmuar në mënyrë të nënkuptuar fundin e marrëdhënies së tij me prezantuesen italiane, Diletta Leotta. Dhe gjatë festivalit, ai u pa së bashku me një aktore izraelite që bëri fansat të dyshojnë se mund të ketë diçka më shumë mes tyre.
I njëjti nuk e ka bërë asnjëherë zyrtare marrëdhënien me Diletta Leotta, përkundër shkrimeve në rrjete sociale.
Megjithatë, në Venecia, ku aktori turk zbarkoi për të marrë një çmim në Itali, shumë betohen se kanë parë një konfirmim të ndarjes, përfshirë këtu edhe një raportim të bërë nga Vanity Fair Italia.
Aktori me prejardhje shqiptare eci përkrah aktores izraelite, Moran Atias, në Lido për të njëjtën ngjarje.
Gjatë mbrëmjes së ndarjes së çmimeve, kamerat kapën Can dhe Moran duke shkëmbyer biseda të vogla me buzëqeshje dhe pamje, duke ndezur thashethemet për romancë dashurie.
Atias, nëntë vjet më e madhe se Yaman, duket se nuk e ka refuzuar përkëdheljen e yllit turk.
Nuk dihet nëse ky është fillimi i një dashurie të re për Can, apo se momentalisht është beqar. /Telegrafi/
