NATO po ndërmerr hapa të kujdesshëm për forcimin e KFOR-it në Kosovë

Misioni i SHBA-së në NATO, është duke ndërmarrë hapa të kujdesshëm për të siguruar që KFOR-i të ketë forcat e nevojshme për të përmbushur mandatin e dhënë nga Kombet e Bashkuara.

Kështu kanë bërë të ditur në një njoftim në profilin e tyre në platformën “X”.

“NATO po ndërmerr hapa të kujdesshëm për të siguruar që KFOR të ketë forcat e nevojshme për të përmbushur mandatin e saj të OKB-së në mënyrë të paanshme. Këshilli i Sigurimit i Kombeve të Bashkuara i dha mandat KFOR-it në 1999 për të pasur një mision paqeruajtës neutral”, thuhet në njoftim.

Më tej misioni i SHBA-së ka shtuar se KFOR-i vazhdon të mbështesë zhvillimin e një Kosove gjithëpërfshirëse, demokratike dhe multi-etnike.

“Në Forumin Ministror, aleatët diskutuan situatën e sigurisë në Ballkanin Perëndimor dhe përsëritën mbështetjen e tyre të palëkundur për misionin e KFOR-it”, thuhet në njoftim. /Telegrafi/

#NATO is taking prudent steps to ensure KFOR has the forces it needs to fulfil its UN mandate impartially. The United Nations Security Council gave a mandate to #NATO’s Kosovo Force in 1999 to have a neutral peacekeeping mission. @NATO_KFOR continues to support the development of… pic.twitter.com/Isd7KDnVQJ

— U.S. Mission to NATO (@USNATO) November 28, 2023