Microsoft zbulon çipin që mund të sjellë llogaritjen kuantike brenda viteve

Kompjuterët kuantikë mund të ndërtohen brenda viteve dhe jo dekadave, sipas Microsoft, i cili ka zbuluar se mund të hapë rrugën për një zhvillim më të shpejtë.

Bëhet e ditur se kompania ka zhvilluar një çip, i cili, thotë ajo, i bën jehonë shpikjes së gjysmëpërçuesve që bënë të mundur telefonat, kompjuterët dhe pajisjet elektronike të sotme me anë të rritjes së fuqisë përpunuese.

Çipi mundësohet nga toppërçuesi i parë në botë, i cili mund të krijojë një gjendje të re të materies që nuk është e ngurtë, e lëngshme ose e gaztë – duke bërë të mundur projektimin e sistemeve kuantike që përshtaten në një çip të vetëm më të vogël se pëllëmbët e dorës dhe krijimin e një hardueri më të besueshëm.

Paul Stevenson, profesor i fizikës në Universitetin e Surrey, tha se Microsoft mund të jetë “konkurrent shumë serioz” në garën për të ndërtuar kompjuterët e parë kuantikë të besueshëm nëse kompania do të finalizonte me sukses këtë kërkim, shkruan the Guardian, përcjell Telegrafi.

“Dokumentet e reja janë një hap i rëndësishëm, por si me punën shumë premtuese në llogaritjen kuantike, hapat e ardhshëm janë të vështirë dhe derisa të arrihen, është shumë herët për të qenë diçka më shumë se optimist”, tha Stevenson.

George Booth, profesor i fizikës teorike në King’s College në Londër, tha se kërkimi përfaqëson një “arritje teknike mbresëlënëse”, megjithëse vlera e të cilit ndoshta do të bëhej e qartë vetëm me një vështrim prapa.

“Nëse një pretendim prej ‘vitesh’ në vend të dekadave përpara zhvillimit kuptimplotë, është i saktë do të mbetet për t’u parë”, tha ai.

Raportohet se Microsoft pretendon se toppërçuesi ofron një rrugë për zhvillimin e sistemeve kuantike që mund të shkallëzohen deri në një milion kubit.

Kjo përfundimisht mund të prodhojë kompjuterët më të fuqishëm ende, të bazuar në mekanikën kuantike dhe jo në fizikën klasike, të cilët do të ishin të aftë për të zgjidhur probleme shumë komplekse industriale dhe shoqërore. /Telegrafi/