Mercedes-Benz po përgatitet të prezantojë sedanin e ri elektrik koncept CLA në panairin IAA mobility, duke udhëhequr në një model të ri makine familjare me çmim të përballueshëm.
Bazuar në platformën Mercedes Modular Architecture, modeli CLA elektrik do të ketë një rreze prej 750 kilometrave, transmeton Telegrafi.
Modeli CLA do të jetë i parë që do të ketë platformën e re MMA të prodhuesit të automjeteve.
Ola Kallenius, kryetar i bordit të menaxhimit në Mercedes-Benz, tha se koncepti i ri CLA është “pararendësi për një portofol krejtësisht të ri të automjeteve të para elektrike që do të shërbejnë si portë për në botën e Mercedes-Benz”.
Mercedes-Benz publikoi një video ngacmuese që tregon disa detaje se si do të duket kjo veturë. /Telegrafi/
