Mbappe tregon pse po i ekzekutojnë penalltitë me radhë me Vini Jr

Real Madridi do të nisë mbrojtjen e titullit në Ligën e Kampionëve në sfidën e të martës mbrëma ku përballë do të kenë skuadrën gjermane Stuttgart.

Për Kylian Mbappen do të jetë debutim me fanellën e Real Madrditi në Ligën e Kampionëve, derisa ai ishte vendimtar në fitoren 0-2 ndaj Real Sociedad.

Francezi ka folur fillimisht për fitoren në kampionat, ku shënoi një gol nga penalltia.

Lexo po ashtu Acelotti pyetet rreth festës së Vini Jr, pasi sulmuesi brazilian 'heshti' tifozët vendas

“Ishte një ndeshje e vështirë, por në fund fituam. Luajtëm kundër një ekipi të madh, por u kthyem në shtëpi me një fitore të madhe. Jemi duke u përmirësuar dita-ditës. Ndoshta kemi qenë disi me fat, sepse ata kanë goditur tri herë shtyllën, por jemi të lumtur për fitoren”, deklaroi Mbappe.

Mbappe thotë se e kupton se çfarë ka nevojë skuadra dhe synon që të startojnë me fitore në ‘Champions’.

“E kuptoj se për çfarë kanë nevojë skuadra, trajneri dhe shokët e mi dhe jam i sigurt që të martën mund të ndihmoj skuadrën time dhe të fillojmë të fitojmë edhe në Ligën e Kampionëve”, tha sulmuesi.

Krejt në fund Mbappe ka folur dhe për rastin e çuditshëm të penalltive të Realit, ku ai dhe Vini po i ekzekutojnë me radhë!

“E rëndësishme është që katër penalltitë kanë përfunduar në rrjetë, jo kush i ekzekutoi. Ne i kemi shënuar të katërta dhe kjo është gjëja më e rëndësishme”, tha ylli francez. /Telegrafi/