Luis Enrique këshillon trajnerët: Është Kupa e Botës, duhet të dhurojmë më shumë spektakël

Kombëtarja e Spanjës do të luaj ndeshjen e fundit në fazën e grupeve në Kupën e Botës, ku përballet me Japoninë.

‘La Roya’ kanë marrë katër pikë në dy sfidat e para dhe i mjafton edhe një pikë për të kaluar në fazën e eliminimit direkt.

Të besuarit e trajnerit Luis Enrique mbajnë rekordin këtë Kampionat Botëror si skuadra me fitoren më të thellë, pasi mposhtën Kosta Rikën me rezultat 7-0.

Por trajneri spanjoll, Luis Enrique ka folur duke thënë se duhet të dhurojnë më shumë spektakël në botëror.

“Kemi arritur në një pikë ku nuk jemi më vetvetja. Gjëja e parë që duhet t’u mësojmë trajnerëve është se Botërori është spektakël dhe shou. Nëse ka 50,000 apo 100,000 spektatorë në stadium, duhet të jemi të vetëdijshëm se në shtëpi ka miliona të tjerë”.

“Është si të shikosh një shfaqje të mërzitshme. Problemi është se nevojat e trajnerit i detyrojnë të gjithë të luajnë në mbrojtje. Në Botëror sulmohet vetëm kur skuadrat janë në disavantazh”, vazhdoi tutje Enrique.

“Unë i shoh gjërat ndryshe, mendoj se është një shou dhe duhet t’u tregojmë tifozëve që ne mendojmë për t’i argëtuar ata”, u shpreh trajneri spanjoll.

Deklarata e Luis Enriques i ka pëlqyer jashtëzakonisht shumë tifozët të futbollit pasi është shpërndarë shumë, ku thuajse secili futbolldashës kërkon lojë sulmuese dhe shou nga Kombëtaret. /Telegrafi/