Gola, rikthim, angazhim i jashtëzakonshëm, mbrojtje penalltie – të gjitha detajet nga ndeshja mes Anglisë dhe Kosovës

Arijanet Muriqi (Foto: Clive Mason/Getty Images/Guliver)

Kosova e ka zhvilluar ndeshjen e pestë kualifikuese për ‘Euro 2020’ në kuadër të Grupit A, ndërsa për kundërshtar e kishte Anglinë që fitoi me rezultat 5-3. Në këtë mënyrë ka përfunduar edhe seria pa humbje e ‘Dardanëve’.

Të zgjedhurit e Bernard Challandes do të shpresojnë për suksese të tjera në ndeshjet e ardhshme, pasi përkundër lojës së mirë nuk nxorën rezultat pozitiv ndaj Tre Luanëve.


Telegrafi ju ka mbajtur të informuar në kohë reale për të gjitha detajet e kësaj përballjeje.


Lajme Live

2 vite

Statistikat e ndeshjes

Anglia Kosova
5 Gola 3
14 Goditje totale 8
9 Brenda kuadratit 3
5 Jashtë kuadratit 4
1 Bllokada 2
6 Goditje nga këndi 0
1 Pozita jashtë loje 2
58% Posedimi 42%
0 Kartonë të verdhë 6
0 Kartonë të kuq 0

2 vite

Situata në Grupin A pas kësaj xhiroje

2 vite

Përfundon ndeshja

Me rezultat 5-3, Anglia ka fituar kundër Kosovës në St Mary’s Stadium të Southamptonit, në ndeshjen e vlefshme për Grupin A kualifikues për ‘Euro 2020’.

(Foto: Clive Mason/Getty Images/Guliver)

2 vite

90′ Minuta e fundit e kohës së rregullt. Vështirë të ndryshohet rezultati, por skuadra tregoi zemër duke mos u dorëzuar deri në fund.

2 vite

87′ Superdalje nga Celina, i cili bëri gjithçka vet, por i mungoi vetëm saktësia dhe topi përfundoi pranë shtyllës.

2 vite

86′ Tjetër pritje e mrekullueshme nga Arijanet Muriqi, mbron goditjen e Rashford.

2 vite

85′ Florent Hasani debuto në ndeshjen kundër Anglisë. Inkuadrohet në vend të autorit të dy golave, Valon Berisha.

2 vite

85′ Kosova është në disavantazh prej dy golash, ndërkohë që po afrohet fundi i takimit.

2 vite

73′ Fat i madh për Kosovën, Sterling godet shtyllën pas devijimit nga Aro Muriqi.

2 vite

71′ Goditje e lirë për Anglinë që përfundon jashtë portës së Muriqit. Disa raste të tjera për vendasit kalojnë me fat të mirë për ‘Dardanët’.

2 vite

Penallti për Anglinë, por aty është ARO MURIQI!

63′ Ndërhyrje e lehtë që ndëshkohet me penallti. Harry Kane merr përgjegjësinë, por Arijanet Muriqi e ndal goditjen e tij!!!

(Foto: Clive Mason/Getty Images/Guliver)

(Foto: Clive Mason/Getty Images/Guliver)

2 vite

59′ Anil Rashkaj zë vendin e Idris Vocës.

2 vite

Penallti për Kosovën, shënon Muriqi

55′ Vedat Muriqi e nxori penalltinë dhe e mori vet përgjegjësinë dhe shënoi nga pika e bardhë. Rezultati është 5-3.

(Foto: Clive Mason/Getty Images/Guliver)

2 vite

Nuk dorëzohet Kosova

49′ Valon Berisha shënon golin e dytë kundër Anglisë. Ai bën gjithçka mirë dhe e dërgon topin në rrjetë.

2 vite

48′ Shans tjetër për Anglinë, por Muriqi intervenon për të mbrojtur.

(Foto: Clive Mason/Getty Images/Guliver)

2 vite

Fillon pjesa e dytë

Ka nisur pjesa e dytë e ndeshjes ndërmjet Anglisë dhe Kosovës. Vendasit janë në epërsi prej 5-1 nga pjesa e parë.

2 vite

Statistikat e pjesës së parë

Anglia Kosova
5 Gola 1
7 Goditje totale 4
5 Brenda kuadratit 1
2 Jashtë kuadratit 3
0 Bllokada 2
3 Goditje nga këndi 0
0 Pozita jashtë loje 1
58% Posedimi 42%
0 Kartonë të verdhë 1
0 Kartonë të kuq 0

2 vite

Përfundon pjesa e parë

Me rezultat 5-1 për vendasit, është mbyllur pjesa e parë e takimit ndërmjet Anglisë dhe Kosovës që zhvillohet në St Mary’s Stadium të Southamptonit.

2 vite

Epërsi e lartë për vendasit

45’+1 Kosova pëson edhe golin e pestë, autor sërish Jadon Sancho.

2 vite

Anglia shënon golin e katërt

44′ Anglia krijon epërsi të lartë. Jadon Sancho e realizoi golin e katërt për nikoqirët.

2 vite

41′ Disa përpjekje të Kosovës për ta ngushtuar rezultatin, por përfundojnë pa sukses.

2 vite

Bernard Challandes ndëshkohet për reagimin e tij

Trajneri i Kosovës, Bernard Challandes, është ndëshkuar me karton të verdhë për reagimin e tij për shkak të mos ndaljes së lojës nga anglezët.

Gjyqtari Felix Zwayer (Foto: Clive Mason/Getty Images/Guliver)

2 vite

Autogol nga Vojvoda

38′ Mërgim Vojvoda shënon autogol. Pas një përplasjeje mes Alexander-Arnold dhe Alitit, ky i fundit mbeti i lënduar, mirëpo lojtarët anglezë nuk e ndalën lojën dhe shënuan, pasi topin e krosuar ulët nga Sancho, e dërgoi në portë Vojvoda.

2 vite

37′ Goditje e jashtëzakonshme e Vojvodës nga largësia, mirëpo topi përfundoi jashtë portës.

2 vite

35′ Të zgjedhurit e Challandes përpiqen t’i bllokojnë aksionet e kundërshtarëve, të cilët bëjnë lojë shumë ofensive.

Florent Muslija dhe Raheem Sterling (Foto: Clive Mason/Getty Images/Guliver)

2 vite

31′ Goditje nga distanca e Valon Berishës që u ndal nga portieri Pickford.

2 vite

Statistikat pas 30 minutave të para

Anglia Kosova
2 Gola 1
3 Goditje totale 1
2 Brenda kuadratit 1
1 Jashtë kuadratit 0
0 Bllokada 0
2 Goditje nga këndi 0
0 Pozita jashtë loje 0
68% Posedimi 32%
0 Kartonë të verdhë 0
0 Kartonë të kuq 0

2 vite

23′ Vazhdon presioni i vendasve, që prodhojnë rrezik të vazhdueshëm.

2 vite

21′ Rast i mirë për ta barazuar rezultatin, por Muriqi nuk arrin të devijojë.

2 vite

Anglia në epërsi

19′ Anglia shënon golin e dytë. Harry Kane realizoi golin e epërsisë për Tre Luanët.

Harry Kane duke festuar golin (Foto: Clive Mason/Getty Images/Guliver)

2 vite

16′ Pas një daljeje të Kosovës që nuk përfundoi me aksion të ndërtuar mirë, u rikthye Anglia me kundërsulm, porse gjithçka përfundoi mirë.

2 vite

13′ Harkim i ulët nga Vojvoda, por bllokohet në zonë, nuk arrin të depërtojë.

2 vite

11′ Vazhdon presioni i anglezëve, ndërkohë loja zhvillohet në gjysmëfushën tonë. Tjetër goditje nga këndi për Anglinë.

2 vite

Barazohet rezultati

8′ Barazohet rezultati.Reagim i shpejtë i nikoqirëve, të cilët shënojnë përmes Raheem Sterling.

(Foto: Clive Mason/Getty Images/Gulive)

(Foto: Clive Mason/Getty Images)

2 vite

5′ Anglia përpiqet të bëjë presion para zonës së Kosovës, ndërkohë që lojtarët tanë detyrohen të mbrohen.

2 vite

Goooooool… fillim ëndrrash për Kosovën

1′ Kalojnë 35 sekonda dhe Kosova është në epërsi. Një gabim në fazën defensive të Tre Luanëve dhe Vedat Muriqi shfrytëzoi duke asistuar te Valon Berisha, i cili me qetësi realizoi.

2 vite

Fillon ndeshja

Fillon superndeshja ndërmjet Anglisë dhe Kosovës, e vlefshme për fazën kualifikuese për ‘Euro 2020’.

Stadiumi St Mary’s në Southampton është arena e kësaj përballjeje, e cila padyshim se është më e madhja në histori të vendit tonë.

2 vite

Presidenti i Federatës angleze e ka nderuar presidentin Agim Ademi me trofeun e “Tre Luanëve”

Presidenti i Federatës së Futbollit të Anglisë, Greg Clarke në drekën zyrtare e ka nderuar presidentin Agim Ademi me trofeun e “Tre Luanëve”.

2 vite

Arsyeja pse Anglia luan ndaj Kosovës në stadiumin e Southamptonit dhe jo në Wembley

Federata e Futbollit të Anglisë ka vendosur që në këto kualifikime kombëtarja e tyre t’i zhvillojë përballjet në të gjitha stadiumet e vendit.

Anglezët janë nikoqir të ‘Dardanëve’ në ndeshjen që fillon në ora 20:45 në stadiumin ‘St. Mary’s Stadium’ të Southamptonit.

Në ndeshjet e kaluara si dhe në ato të kualifikimeve për Kupën e Botës, Anglia kishte luajtur ndaj Kosta Rikës në miqësore në vitin e kaluar në stadiumin e Leicesterit, ‘King Power Stadium’.

2 vite

Tifozët e Kosovës të gatshëm për atmosferë

(Foto: Clive Mason/Getty Images/Guliver)

(Foto: Clive Mason/Getty Images/Guliver)

(Foto: Clive Mason/Getty Images/Guliver)

(Foto: Clive Mason/Getty Images/Guliver)

(Foto: Clive Mason/Getty Images/Guliver)

(Foto: Clive Mason/Getty Images/Guliver)

(Foto: Clive Mason/Getty Images/Guliver)

2 vite

Lojtarët kanë nisur nxehjen

Fubtollistët kanë hyrë në fushën e stadiumit St Mary’s të Southamtonit, ku janë duke bërë përgatitjet e fundit para fillimit të ndeshjes.

2 vite

Lojtarët anglezë duke inspektuar fushën

2 vite

Motivim para ndeshjes

2 vite

Formacionet zyrtare

Anglia: Pickford, Alexander-Arnold, Chilwell, Rice, Keane, Maguire, Sterling, Henderson, Kane, Barkley, Sancho. Banka rezervë e Anglisë: Heaton, Gomez, Mount, Wilson, Mings, Oxlade-Chamberlain, Pope, Trippier, Maddison, Winks, Rashford, Rose.

Kosova: A. Muriqi, Vojvoda, Rrahmani, Haliti, Hadergjonaj, Voca, Halimi, Muslia, Berisha, Celina, V. Muriqi. Banka rezervë e Kosovës: Kryeziu, Zhegrova, Rashani, Nuhiu, Ujkani, Dresevic, Bernard Berisha, Raskaj, Bekaj, Leart Paqarada, Hasani.

(Foto: uefa.com)

2 vite

Futbolli i bashkon njerëzit, tifozët e Kosovës dhe të Anglisë bëhen bashkë në Southampton

2 vite

St Mary’s Stadium, arena e përballjes Angli-Kosovë

2 vite

Tifozët e Kosovës në Southampton

2 vite

Rezultatet në pesë ndeshjet e fundit

(Foto: uefa.com)

2 vite

Trajneri i Anglisë pret një sfidë krejtësisht ndryshe ndaj Kosovës

Trajneri i Anglisë, Gareth Southgate, pret një qasje krejtësisht tjetër në ndeshjen kundër Kosovës që zhvillohet sonte (e martë) St Mary’s Stadium të Southamptonit.

“Do të jetë një stil krejtësisht ndryshe i lojës. Kosova do të bëjë shumë presion, do të angazhohet shumë, do të rrezikojë më tepër në sulm në krahasim me ndeshjen e të shtunës (ndaj Bullgarisë). Ndoshta do të na jepet më shumë hapësirë për të luajtur përpara. Çfarëdo që kemi mësuar nga e shtuna, këtu do të jetë një sfidë krejtësisht tjetër”.

Gareth Southgate (Foto: Julian Finney/Getty Images/Guliver)

2 vite

Situata në Grupin A

(Foto: uefa.com)

2 vite

The Sun sjell formacionin e jashtëzakonshëm të Kosovës, po të luanin edhe Xhaka, Shaqiri, Mehmedi dhe të tjerët

(Foto: The Sun)

2 vite

Përshkrimi bazë i UEFA-s për ndeshjen Angli-Kosovë

Dy liderët e Grupit A takohen në Southampton
Këto skuadra ndeshen për herë të parë
Anglia nuk ka humbur në 42 ndeshje kualifikuese radhazi
Kosova i ka zhvilluar 15 ndeshje rresht pa humbje

2 vite

Xhaka dhe Ajeti vizituan Kosovën para ndeshjes me Anglinë

Dy yjet shqiptarë të Ligës Premier, Granit Xhaka dhe Albijan Ajeti e kanë vizituar ekipin e Kosovës para ndeshjes me Anglinë.

(Foto: Facebook/Federata e Futbollit e Kosovës – Football Federation of Kosova)

2 vite

Rita Ora përfshihet në frymën sportive, i uron fat Kosovës në ndeshjen ndaj Anglisë

Këngëtarja shqiptare me famë botërore, Rita Ora, është përfshirë në frymën sportive të ndeshjes ndërmjet Kosovës dhe Anglisë.

Gjatë ditës së martë është shpërndarë një fotografi nga paslufta (në vitin 1999), ku shihen ushtarët britanikë duke luajtur futboll në një lagje të Prishtinës, me djelmoshat që sapo ishin kthyer në shtëpitë e tyre.

Ndërkaq, përshtypje i ka bërë edhe këngëtares nga Kosova që jeton në Angli, Rita Ora, e cila e ka shpërndarë në profilin e saj në InstaStory me mbishkrimin: “Me fat”.

(Foto: InstaStory/ritaora)

2 vite

Bleacher Report Football me disa foto dhe statistika e tregon ecurinë prefekte të Kosovës

Kosova do të luajë ndaj Anglisë, sot nga ora 20:45, në ndeshjen e vlefshme për eliminatoret e Kampionatit Evropian.

Ecuria e Kosovës ka bërë bujë në mediat ndërkombëtare, ku ka 15 ndeshje pa humbje, 10 fitore dhe 5 barazime.

Një prej mediumeve që e ka paraqitur këtë ecuri perfekt të Kosovës është edhe Bleacher Report Football.

2 vite

Në ndërkohë, lajm i mirë për Kosovën dhe Werderin: Rashica rikthehet në stërvitje

Werder Bremeni ka marrë lajme fantastike nga Milot Rashica, pasi vushtrriasi është rikthyer në stërvitje. Ylli i Kosovës ishte për disa javë jashtë fushës, për shkak të lëndimit të pësuar, mirëpo tani duket se po i afrohet rikthimit.

2 vite

Pesë lojtarët e lënduar të Kosovës

Hekuran Kryeziu, Herolind Shala, Milot Rashica, Arbër Zeneli dhe Benjamin Kololli do t’i mungojnë Kosovës ndaj Anglisë.

2 vite

Dukja e St Mary’s Stadium të Southamptonit

2 vite

Tifozët e Kosovës tubohen në Londër, pastaj nisen për në Southampton

2 vite

Formacioni i mundshëm i Kosovës