La Liga nuk do ta shtyjë ndeshjen e Real Madridit me Cadizin pavarësisht infektimeve të shumta me coronavirus

Spanja po përjeton një valë tjetër të infektimeve me coronavirus dhe sporti nuk është përjashtuar prej kësaj vale, ku njëri nga klubet më të prekura është Real Madridi.

Numri i lojtarëve dhe trajnerëve të infektuar po rritet, me gjashtë lojtarë si dhe Davide Ancelotti që rezultuan pozitivë te Los Blancos.

Megjithatë, sipas Diario AS, La Liga ka siguruar që ndeshja e tyre kundër Cadiz këtë fundjavë që vjen nuk do të shtyhet dhe ky është vendimi momental.

Lexo po ashtu Djali i Ancelottit dhe katër lojtarë të tjerë të Real Madridit rezultojnë pozitiv me COVID-19

Kjo sepse për sa kohë që një klub mund të nxjerrë shtatë lojtarë të ekipit të parë për çdo lojë të caktuar, loja e thënë duhet të vazhdojë.

Dhe duke qenë se nuk ka një rekord prej 100 për qind vaksinimi midis lojtarëve të La Ligës, ekziston mundësia që ky numër minimal të reduktohet në pesë.

Pjesa tjetër e skuadrës së ditës së ndeshjes do të duhej të përbëhej me lojtarë nga ekipet B ose ekipet e të rinjve.

Real Madrid know they are going to have to utilise academy players.https://t.co/2ewAVaiPNQ

— MARCA in English 🇺🇸 (@MARCAinENGLISH) December 17, 2021

Për fat të Real Madridit, vetëm një titullar, Luka Modric, ka rezultuar pozitiv me Covid-19 në këtë valë të fundit. Pjesa tjetër e të përfshirëve do të konsideroheshin lojtarë të skuadrës.

Cadiz gjithashtu nuk është kundërshtari më i fortë – ata janë në vendin e 18-të në La Liga, me 29 pikë prapa liderëve të ligës, Real Madridit, pas 17 ndeshjeve. /Telegrafi/