Komisioni Qendror i Zgjedhjeve (KQZ) ka përditësuar këtë pasdite rezultatin e zgjedhjeve.
Lëvizja Vetëvendosje kryeson me 40.89 për qind të votave, apo 340 mijë e 541 vota.
PDK-ja është e dyta me 22.05 për qind apo 183 mijë e 661 vota.
LDK-ja është e treta me 17.63 për qind të votave apo 146 mijë e 815 vota.
Koalicioni AAK-Nisma-Konservatorët-Intelektualët gjendet në vend të katërt me 7.46 për qind të votave apo 62 mijë e 111 vota.
Nga ora 16:00 ka nisur edhe numërimi i votave për kandidatë në Qendrat Komunale të Numërimit në komunat: Prishtinë, Obiliq, Lipjan dhe Partesh.
Komisioni Qendror Zgjedhor ka bërë të ditur se numërimi i votave me kusht, votave të personave me nevoja të veçanta, votave të personave jashtë Kosovës, do të bëhet në një fazë të mëvonshme./Telegrafi/
