Shtatë gra nga Partia Demokratike e Kosovës, e cila në këto zgjedhje ka garuar në koalicion me AAK-në dhe NISMA-në, kanë fituar votat e mjaftueshme për të lënë një ulëse në Kuvendin e Kosovës.
Sala Berisha Shala është gruaja më e votuar nga kjo parti, me rreth 15 mijë vota. Një numër të konsiderueshëm votash ka siguruar edhe Ganimete Musliu, e cila ka marrë mbi 10 mijë vota.
Po ashtu një ulëse në Kuvend ka fituar edhe Evgjeni Thaçi-Dragusha me 8,527 vota, e pasuar nga Blerta Deliu-Kodra me 7,700 vota.
Po sipas një burimi të Gazetës Monitor brenda koalicionit PAN deputete në legjislaturën e ardhshme do të jetë edhe Xhevahire Izmaku me 6,970 vota.
Depuetete nga PDK do të jenë edhe Flora Brovina me 6,884 vota dhe Mexhide Mjaku Topalli me 6,856 vota.
