Vedat Muriqi është bërë njëri nga lojtarët më të kërkuar shqiptar.
Ylli i Kosovës ka shkëlqyer këtë fillim edicioni me gjigantin turk Fenerbahce.
Por përveç formës së mirë me Fenerin, Muriqi ka shënuar vazhdimisht edhe me Përfaqësuesen e Kosovës.
Falë ndeshjeve të mira, prizrenasi është bërë objektiv i shumë skuadrave të mëdha evropiane.
Manchester United, Tottenham Hotspur, Lazio, Napoli, Atletico Madrid e West Ham United kanë shfaqur interesim për të.
Së fundmi mediat në Ishull kanë raportuar se edhe skuadra tjetër angleze Bournemouth është futur në garë për Muriqin.
Drejtuesit e klubit anglez po e shohin kosovarin si zëvendësues të Callum Wilson.
Bournemouth e ka përcjellë nga afër Muriqin në sfidën mes Kosovës dhe Malit të Zi, ku ylli i Dardanëve realizoi golin e dytë në fitoren tonë 2-0. /Telegrafi/
