Jennifer Aniston thyen rekord përsëri në Instagram, fotografia e saj merr mbi tetë milionë pëlqime në vetëm disa orë

Aktorja e famshme botërore, Jennifer Aniston, prej vitesh i rezistoi tundimit për të qëndruar larg rrjeteve sociale, derisa në muajin tetor të vitit të kaluar u bë me llogari në Instagram dhe jo vetëm.

Ajo vendosi rekord botëror për vetëm gjashtë orë edhe pse fillimisht i shkaktoi këtij rrjeti social disa probleme teknike.

Ndërkohë si foton e parë në këtë rrjet, Jennifer zgjodhi një me miqtë e serialit “Friends”, e cila u pëlqye nga plot 9.1 milionë ndjekës dhe mbi 380 mijë komente.

https://www.instagram.com/p/B6_ZRawh2yp/

Dhe tani, Aniston duket se po e bën të njëjtën gjë me një fotografi tjetër të ndarë me ndjekësit në llogarinë e saj zyrtare të dielën.

Lexo po ashtu Të gjitha lajmet nga Jennifer Aniston

“Përshëndetje nga vajzat nga ana tjetër e korridorit”, shkroi Jennifer, me fotografitë e ribashkimit të Phoebe, Monica dhe Rachel.

Siç shihet, në vetëm pak orë fotografia ka fituar më shumë se tetë milionë pëlqime.

https://www.instagram.com/p/B7PVJgihRHl/

Ky është një rekord i ri i 50-vjeçares që po vazhdon të pushtojë tabloidet e huaja, dhe kjo është e diskutueshme pasi aktorja ka mbledhur mbi 23.9 milionë ndjekës.

“Ne kemi nevojë për këtë lloj përmbajtje”, “Është shumë bukur t’ju shoh së bashku”, “Motra”, “Fotografi e përkryer”, ishin vetëm disa nga komentet në profilin e saj. /Telegrafi/