Ja pse Instagram po fsheh numrin e pëlqimeve, në vende të caktuara

Gjigandi për ndarjen e fotografive, Instagram, ka filluar të fsheh numrin e pëlqimeve në foto dhe video të ndara nga përdoruesit, në vende të përzgjedhura.

Ky tipar fillimisht u testua në Kanada, por tani, kompania me pronësi të Facebook ka zgjeruar projektin në pjesë të tjera të botës, duke e bërë të pamundur për përdoruesit të shohin sa pëlqime kanë shokët/ shoqet e tyre.

Ja pse kompania po zbaton këtë lëvizje të çuditshme.

Numërimi i pëlqimeve mund të çojë në vetëvlerësim të ulët tek të rinjtë

Gjatë viteve, ekspertët e medias sociale kanë ngritur shqetësime rreth problemit të vetëbesimit të ulët dhe ndjenjës joadekuate në të rinjtë që përdorin platformat si Instagram dhe Snapchat.

Njerëzit shohin sa shumë pëlqime miqtë dhe kolegët e tyre po marrin në fotografitë e tyre dhe ndihen të demotivuar, nganjëherë edhe në depresion, sepse nuk mund të veçohen. 

Instagram dëshiron ta reduktojë këtë “presion” tani

Për të zvogëluar këtë “presion”, Instagram ka filluar fshehjen e numrit të pëlqimeve të fotografive / videove. Kjo, thotë kompania, do të sjellë fokusin e përdoruesve përsëri në përmbajtje dhe jo në vëmendjen që po merr.

Funksioni nuk është aktiv, por përdoruesit e Instagram nuk janë të lumtur

Instagram filloi fshehjen e pëlqimeve për përdoruesit në Kanada dhe tani e ka zgjeruar funksionin tek ata në Australi, Irlandë, Brazil, Itali, Japoni dhe Zelandë të Re.

Nuk ka asnjë fjalë për zhvillimin global të tiparit, por përdoruesit tashmë kanë filluar të shprehin pakënaqësi mbi aftësinë e re. /Telegrafi/