Italia ndryshon formacionin kundër Suedisë

Me pezullimin e Marco Verratit, Italia mund të ndryshojë rreshtimin në fushë.

Giampiero Ventura, trajneri italian pritet të ndryshojë formacionin në 4-4-2 ose 4-2-3-1 për ndeshjen e dytë kundër Suedisë në kuadër të “play-off” të botërorit “Rusia 2018”.

Lexo po ashtu Italia pa Verrattin në ndeshjen kthyese ndaj Suedisë

Verratti nuk do të luajë shkaku i kartonëve të verdhë ndërsa Simone Zaza dhe Leonardo Spinazzola ende nuk janë në gjendje të luajnë 90 minuta.

Leonardo Bonucci u diagnostikua me një thyerje të hundës, por mund të luajë me një maskë mbrojtëse.

Zëvendësimi i natyrshëm për yllin e Paris Saint-Germain është Jorginho, por trajneri italian nuk është tifoz i formacionit 4-3-3.

https://youtu.be/vrNZshtVGaM?t=3

Ndërsa 3-5-2 ishte një dështim në Suedi, thuhet se hapi i ardhshëm i Azzurrëve do të jetë një 4-4-2 i modës së vjetër.

Kjo do të mbajë shumë elementë nga sistemi i preferuar i Venturas, 4-2-4, por me Lorenzo Insignen dhe Antonio Candrevan që do të kryejnë edhe punë mbrojtëse.

Një alternativë tjetër që sugjerohet është 4-2-3-1, i cili aktualisht shfrytëzohet mirë nga Luciano Spalletti në Inter dhe Max Allegri te Juventusi.

Kjo do të sillte Stephan El Shaarawy në krahun e majtë dhe Insignen do ta zhvendos në një rol qendror.

Në këtë rast, Interi i Roberto Gagliardini do të hyjë në mesfushë dhe tashmë është mësuar me sistemin, duke përfshirë edhe në krahun e djathtë, Antonio Candrevan.

Lexo po ashtu Ndeshjet play-off për Kampionat Botëror, formacioni me yjet që mund të mbesin jashtë garës më të madhe në botë (Foto)

Sulmues qendror do të jetë Andrea Belotti ose, ka shumë të ngjarë, sulmuesi Lazios, Ciro Immobile.

Ndryshe, takimi i dytë mes Italisë dhe Suedisë do të zhvillohet nesër (e hënë) në ora 20:45. /Telegrafi/