Vedat Muriqi po kalon nëpër një periudhë të mirë përgatitore me klubin e Fenerbahçes.
Kjo e fundit ka pësuar humbje në dy ndeshjet e Audi Cup, ku humbën kundër Bayern Munichut (6-1) dhe Real Madridit (5-3).
Në të dyja ndeshjet është paraqitur edhe reprezentuesi i Kosovës, Vedat Muriqi, i cili ka pasur paraqitje të mira duke asistuar edhe te goli i dytë i barazimit kundër madrilenëve.
Kjo ka bërë që legjenda e skuadrës turke, Ridvan Dilmen, tani si analist sportiv ta vlerësojë lartë paraqitjen e 25-vjeçarit.
"Me vite të tëra janë shpenzuar para të mëdha. Por, një lojtar i ri dhe me vetëbesim të madh, Vedat Muriqi është transferimi më i qëlluar në vitet e fundit. Ersun Yanal duhet të krijojë një sistem të lojës përreth tij, ku do ta ndihmonte edhe Max Kruse", ka pohuar 56-vjeçari, i cili në të kaluarën ka luajtur për shtatë sezone te Feneri.
Ndryshe, Muriqi në pesë ndeshjet e gjertanishme para sezonale ka shënuar tri gola dhe ka një asisitm. /Telegrafi/
https://www.dailymotion.com/video/x7dosat
