Inteligjenca ukrainase thotë se 10 mijë ushtarë të rekrutuar rusë, janë dorëzuar nga fillimi i luftës

Shtabi i Përgjithshëm i Forcave të Armatosura të Ukrainës, ka njoftuar se mbi 10 mijë ushtarë rusë janë dorëzuar tek ukrainasit që nga fillim i luftës në këtë vend.

Kievi kishte hapur një linjë të veçantë telefonike përmes të cilës ushtarët e rekrutuar rusë mund të lajmëroheshin dhe të dorëzoheshin vullnetarisht, në këmbim të trajtimit sipas ligjeve, transmeton Telegrafi.

Të gjithë ata që dëshironin t’i linin armët dhe të mos vrasin civilë, ukrainasit u premtonin tretman sipas konventave ndërkombëtare, ndërsa nga hapja e kësaj linje deri më tani janë dorëzuar 10 mijë ushtarë rusë.

Lexo po ashtu Batalioni i bjellorusëve thanë se kanë shkatërruar aeroplanin spiun rus, Moska e mohoi – publikohen pamjet kur droni kamikaz zbret mbi të

Ata fillimisht duhej të telefonin dhe nga operatori kërkohej që ata të japin të dhënat e tyre, dhe në fund këshilloheshin sesi duhet të veprojnë.

Më vonë u dërgohej edhe lokacioni i vendit ku do të duhej të bëhej dorëzimi. Në fillim një dron shkonte për t’u bindur që nuk është ndonjë kurth, dhe më pas dilnin ushtarët ukrainas dhe i merrnin.

Këto pretendime i ka mbështetur edhe inteligjenca ukrainase, që njoftoi se shumica e të dorëzuarve janë rekrutuar dhe pa ndonjë përvojë luftarake. /Telegrafi/