Hoti reagon pas bastisjes në shtëpinë e Krasniqit: Kosova, shembull i respektimit të drejtësisë, do të bashkëpunojmë edhe më tutje me Specialen

Kryeministri i vendit, Avdullah Hoti ka reaguar sot pas bastisjes që po bëhet në shtëpinë e Jakup Krasniqi, duke thënë se Qeveria e njeh si të patjetërsueshëm qëllimin e pastër e të shenjtë të popullit të Kosovës në luftën për liri.

Hoti ka thënë se Kosova ka kanë dhënë shembull të respektimit dhe bashkëpunimit me drejtësinë̈ vendore dhe ndërkombëtare, e njëjtë̈ do të veprohet edhe kësaj radhe me Dhomat e Specializuara në Hagë.

Lexo po ashtu Operacioni i Gjykatës Speciale, vazhdon bastisja në shtëpinë e Jakup Krasniqit

Lexoni të plotë postimin  e Hotit në Facebook:

Qeveria e Republikës së Kosovës po i përcjell veprimet e EULEX-it lidhur me ish Kryetarin e Kuvendit të Republikës së Kosovës, z. Jakup Krasniqi.

Kosova, bartësit e institucioneve si dhe qytetarët e saj, në vazhdimësi kanë dhënë̈ shembull të respektimit dhe bashkëpunimit me drejtësinë̈ vendore dhe ndërkombëtare. Njëjtë̈ do të veprohet edhe kësaj radhe me Dhomat e Specializuara në Hagë, të cilat janë pjesë e sistemit të drejtësisë të Republikës së Kosovës.

Prezumimi i pafajësisë duhet të respektohet në çdo rast përderisa nuk ka një vendim tjetër të gjykatës kompetente.

Qeveria e Republikës së Kosovës e njeh si të patjetërsueshëm qëllimin e pastër e të shenjtë të popullit të Kosovës në luftën për liri. /Telegrafi/