LAJMI I FUNDIT:

Gripi sezonal mbush ordinancat e Maqedonisë

Gripi sezonal mbush ordinancat e Maqedonisë

Me uljen e temperaturave qytetarët e Maqedonisë po i mbushin ordinancat mjekësore. Mjekët thonë se në këtë periudhë më shumë vuajnë personat që kanë asmë, bronhit dhe hipertension, përcjell Telegrafi Maqedoni.

Ndryshimi i madh i temperaturës ndërmjet ditës dhe natës, gjithashtu ju shkakton problem edhe atyre që kanë sëmundje kronike si, reumatizmin dhe problem me organet e frymëmarrjes.

Prej fillimi të sezonit deri tani në Institutin për Shëndet Publik janë regjistruar rreth 1250 të sëmurë. Sipas këtij Instituti vetëm për një javë janë regjistruar 273 të sëmurë, që është 4 herë më shumë se vitin e kaluar, ku ishin regjistruar vetëm 84 persona të sëmurë.


Më shumë të sëmurë ka nga Kumanova, ndërsa mosha më e shpeshë është prej 15 deri 64 vjeçare.
Për shkak të moti të ligë i cili do të zgjatë, mjekët këshillojnë që qytetarët të shmangin takimet në ambiente të mbyllura./Telegrafi/