Google Gem, ora e mençur e cila do prezantohet më 31 tetor?

Sipas faqes së famshme e cila përcjell çdo gjë lidhur me platformën mobile të Google, Android Police thuhet se kompania Google do të prezantojë orën e saj të mençur më vonë gjatë muajit.

Sipas burimeve të këtij lajmi thuhet se ora e mençur e Google do të kodohet me emrin “Gem”, dhe e njëjta do të prezantohet zyrtarisht më 31 tetor.

Në periudhë të njëjtë kohore pritet që Google të lëshojë edhe versionin e ri Android 4.4 KitKat, i cili është thënë se fillimisht do të integrohet në modelin e ri të telefonit të Google Nexus 5, për tu përcjell më pas edhe në pajisjet tjera në Android.

Para pak kohësh ishte thënë se Google do të mbajë një ngjarje mediale më 14 tetor, në të cilën do ta prezantonte Google Nexus 5, ndërsa debutimi i këtij telefoni në treg pritet të ndodhë më 30 dhjetor.

Google Gem mund të jetë ora e mençur e kompanisë Motorola, përkatësisht modeli i saj i përfolur i orës xËatch për të cilën është folur më herët, mirëpo edhe nëse bëhet fjalë për të njëjtën pajisje Google me siguri se do ta emërtojë atë sipas linjës së produkteve të saj Nexus. / Telegrafi /