Pape Souare është përfshirë në një aksident të rëndë në një autostradë në Londër, mëngjesin e të hënës.
Futbollisti i Crystal Palace pësoi thyerje në kofshë dhe nofull gjatë përplasjes, kur vetura e tij humbi tërësisht pjesën e sipërme përpara se të ndalej nga një shtyllë e thyer gjithashtu.
Momenti i nxjerrjes së futbollistit nga vetura.
Njoftimi është dhënë nga policia lokale dhe më pas edhe nga vet klubi londinez, transmeton SS.
Shërbimi ambulator në kryeqytet e nxori futbollistin nga makina e tij për ta çuar me helikopter në spitalin e Londrës lindore.
Dhjetëra pjesëtarë të ekipeve të shpëtimit u paraqitën në vendin e ngjarjes.
Dëmtimet e Souare nuk rrezikojnë jetën e lojtarit, ndërsa klubi ka lajmëruar se po ndjek nga afër situatën e tij.
Kjo është gjendja e veturës pas aksidentit.
