“Fjalët e Piques nuk e ndryshojnë historinë e Real Madridit”

Sergio Ramos i është përgjigjur komenteve të Gerrard Piques rreth krahasimeve që i bën Barcelonës me Real Madridin.

Mbrojtësi i Realit, Ramos ka pohuar se fjalët dhe deklaratat e Piques nuk mund ta ndryshojnë historinë e lavdishme të skuadrës madrilene, transmeton Telegrafi.

“Fjalët e Piques nuk do të ndryshojnë vlerat, simbolet, historinë apo tituj tonë”, ka thënë Ramos duke shtuar se “Ajo çfarë thotë ai veç provokon mediat të krijojnë tituj dhe të shesin gazetat, por ne jetojmë jashtë këtyre gjërave”.

Ramos gjithashtu pohoi se Pique është i njohur për të nxitur urrejtje dhe fyerje.

“Nëse do të fliste Andres Iniesta në vend të Piques, do ta merrnin si fyerje. Sa i përket, Piques, kurrë”, ka thënë Ramos.

“Kjo është pjesë e karakterit të Piques. Ne nuk mund ta edukojmë në moshën 30-vjeçare”, shtoi Ramos

Spanja mundi Francën në saje të shfrytëzimit të teknologjisë prej gjyqtarëve të ndeshjes, të cilën gjë ju preferoi federatës spanjolle Pique në rastet kur luan Real Madridi. /Telegrafi/