Financial Times: Zelensky i kishte reaguar me nervozizëm njeriut të Trump në takimin për mineralet

Presidenti ukrainas Volodymyr Zelensky shpërtheu me nervozizëm ndaj një anëtari të lartë të administratës së Donald Trump, dhe e la atë duke u dridhur nga frika, u pretendua sot, ndërsa SHBA dhe Ukraina janë më pranë një marrëveshjeje për t’i dhënë fund luftës në Ukrainë.

Në fillim të këtij muaji, Trump dërgoi në Kiev Sekretarin e tij të Thesarit të sapoformuar Scott Bessent, për t’i paraqitur liderit ukrainas një marrëveshje për shkëmbimin e një pjese të pasurisë së madhe minerale të Ukrainës me garanci sigurie kundër sulmeve të ardhshme ruse.

Por pas shqyrtimit të kontratës në detaje, Zelensky dhe ndihmësit e tij zbuluan se nuk kishte garanci të vërteta sigurie, transmeton Telegrafi.

Në vend të kësaj, kontrata raportohet se ishte më shfrytëzuese se kushtet e vendosura ndaj Gjermanisë pas Luftës së Parë Botërore, duke pritur që Ukraina të heqë dorë nga sasi të mëdha të naftës, gazit dhe burimeve minerale si një pagesë për ndihmën e ofruar tashmë nga SHBA.

“Ai ishte shumë i zemëruar”, tha një person i pranishëm për Financial Times, duke shpjeguar se si dyert e praruara të zyrës presidenciale të Zelensky nuk bënë asgjë për t’i ndaluar ata që ishin jashtë të dëgjonin çdo fjalë.

Bessent u trondit dukshëm, zëri i tij dridhej teksa u dha gazetarëve një deklaratë pak çaste pasi duroi zemërimin e presidentit ukrainas.

Kjo vjen pasi ministri i Jashtëm rus Sergei Lavrov deklaroi sot se Moska do të “ndalojë armiqësitë vetëm kur negociatat prodhojnë një rezultat të fortë dhe të qëndrueshëm që i përshtatet Federatës Ruse”.

Ndërkohë, sekretari i shtypit i Kremlinit, Dmitry Peskov akuzoi Evropën dhe Mbretërinë e Bashkuar për zgjatjen e luftimeve në përgjigje të një pakete të re sanksionesh të vendosura nga Brukseli.

Dhjetëra liderë nga Evropa dhe Kanadaja janë në kryeqytetin e Ukrainës për të shënuar sot përvjetorin e tretë të pushtimit rus, duke përfshirë Presidenten e Komisionit Evropian, Ursula von der Leyen dhe kryeministrin kanadez Justin Trudeau. /Telegrafi/

NEW: Zelensky ‘screamed at Trump’s envoy for trying to make him sign $500billion mineral deal’

Zelensky was described as “very angry” during a confrontation with Bessent, with his voice loud enough to be heard outside his office

Afterward, Bessent seemed shaken, speaking to… pic.twitter.com/PNphLJyrPK

— Unlimited L’s (@unlimited_ls) February 24, 2025