Këngëtari i njohur, Ermal Fejzullahu, është gjithmonë i kujdesshëm kur bëhet fjalë për datat e veçanta, dhe këtë e ka dëshmuar edhe një herë për Ditën e të Dashuruarve.
Ai ka vendosur ta surprizojë bashkëshorten e tij, Ariana Fejzullahu, me një veturë luksoze të tipit ‘Range Rover Sport’, një dhuratë që padyshim do ta gëzonte çdo grua.
Lajmin e ka ndarë vetë Ariana me ndjekësit e saj në rrjetet sociale, ku ka postuar një fotografi të veturës, duke shprehur mirënjohjen për partnerin e saj me fjalët: “Faleminderit dashuria ime”.
Çifti është prej vitesh një nga më të dashurit për publikun shqiptar, duke ndarë shpesh momente të bukura nga jeta e tyre familjare.
Ermali dhe Ariana janë prindër të katër fëmijëve, dhe dashuria e tyre duket se vetëm sa forcohet me kalimin e viteve.
Një gjest i tillë i këngëtarit ka tërhequr menjëherë vëmendjen e fansave, të cilët kanë vërshuar me komente pozitive dhe urime për çiftin. /Telegrafi/
