Ekspertët tregojnë pse u bien shumë shpejt çmimet veturave të përdorura elektrike

Sipas vlerësimit të kompanisë konsulente Berylls, e specializuar në industrinë e automobilave, veturat elektrike, të cilat vijnë në tregun e automjeteve të përdorura me një periudhë mesatare ruajtjeje prej tre vjetësh, si vetura me qira p.sh., kushtojnë fillimisht 43600 euro. Pra kur u blenë si të reja, në showroom.

Një veturë elektrike trevjeçare e përdorur me 60 mijë kilometra të përshkuara humbi një vlerë mesatare prej 57 për qind, ose 24,800 euro, gjatë asaj periudhe.

Sipas përllogaritjeve të ekspertëve, humbja e vlerës mesatare është dymbëdhjetë për qind, pra rreth 5600 euro në krahasim me një veturë me benzinë.

Vlera e asaj diference madje tejkalon subvencionin e paguar fillimisht nga shteti në Gjermani. Beryls analizoi pse automobilat elektrik po humbasin me shpejtësi vlerën.

Modele të reja të automjeteve elektrike, me diapazon më të gjatë dhe çmime më të ulëta, hyjnë në treg dhe konkurrojnë drejtpërdrejt me ato të reja të përdorura, të cilat fillimisht (si të reja) ishin më të shtrenjta dhe kanë një gamë më të shkurtër. Kjo është arsyeja pse ato të përdorura nuk janë aq tërheqëse.

Shumë vetura elektrike të përdorura janë SUV të mëdha dhe të shtrenjta, ato nuk hyjnë në kategorinë e tregut masiv, gjë që i bën ato jo interesante për shumë blerës të përdorur.

Firma konsulente arrin në përfundimin se nuk ka asnjë shpresë për gjeneratën aktuale të veturave elektrike në tregun e automobilave të përdorura. /Telegrafi/