“Duket i pasigurt, ka turp dhe është i frikësuar – por do të kthehet” – legjenda e Real Madridit i del në krah Mbappes

Kylian Mbappe aktualisht po jeton një nga momentet më të vështira në karrierën e tij. Ai ka luftuar për të përmbushur pritjet në Real Madrid, ndërsa ndaj Liverpoolit të mërkurën ai humbi edhe një penallti.

Sipas MD, ikona e Real Madridit, Guti beson se betejat e Mbappes për besimin po luajnë një rol të madh në formën e tij të dobët.

“Ne të gjithë do të donim të dinim se çfarë po ndodh me Mbappe. Ai duket i pasigurt, ka turp … Momente para se të ekzekutonte penalltinë, ai dukej i frikësuar… Në këtë kuptim, ai me siguri nuk është i kënaqur me paraqitjen e tij dhe dëshiron diçka më shumë”.

“Ai ka mungesë besimi, dhe për këtë ju shtoni se Real Madridi e priste me shumë ankth dhe se ai ka dalë nga flluska e PSG-së në të cilën kishte gjithçka nën kontroll”.

“Mbappe tani ka ardhur në një ekip tjetër ku me siguri do të duhet të konkurrojë me lojtarë të mëdhenj për të qenë më i miri, dhe e gjithë kjo kushton. Dhe fanella e Real Madridit është e vështirë… Dhe kjo është normale”.

Lexo po ashtu Kamerat kapën Kylian Mbappen mes pjesëve në tunel - duket se ai nuk ndjehet rehat me shokët e rinj

“Është e vështirë të mendosh që një lojtar përshtatet kaq shpejt me një klub si Real Madrid, ku është shumë e vështirë të luash”, deklaroi Guti.

Për shkak të vështirësive të tyre me lëndime, Real Madridi nuk mund të përballojë që ta largojë Mbappen nga skuadra startuese dhe Guti beson se ky nuk do të ishte gjithsesi veprimi i duhur.

“Largimi i tij nga ekipi do të ishte zgjidhja më e keqe, por ne duhet ta mbrojmë atë. Dhe kjo është arsyeja pse ai është në klubin më të mirë. Real Madridi, Florentino Perez dhe Ancelotti do ta mbrojnë atë sepse ne të gjithë besojmë në të. Unë besoj në të. Gjëja e lehtë është të kritikosh dhe të thuash se ai nuk është mjaftueshëm i mirë… por Mbappe është një nga lojtarët më të mirë në botë”, nënvizoi Guti. /Telegrafi/