Dhjetë futbollistёt e rinj mё premtues anglezë

Sulmuesi i ri i Arsenalit, Jack Wilshere, shkëlqeu nё ndeshjen e Kupёs Carling kundër Wiganit gjatё javës sё kaluar. 16-vjeçari kryeson listën e gjatё tё talentёve anglezë tё cilёt parashihet se do tё shkёlqejnё nё tё ardhmen.

Bashkёlojtari i tij tek Arsenali, Theo Walcott, si dhe njëshi i Manchester United, Wayne Rooney, tashmё kanё realizuar kёtё qёllim, duke luajtur me kombëtaren para se tё mbushin 18 vjet.

Walcott pritet tё jetё pjesё e “tre luanëve” nё ndeshjen miqësore tё sё mёrkurёs ndaj Gjermanisё, por cilёt futbollistё tjerё tё rinj pritet tё përfshihen nё kombëtaren angleze nё vitet e ardhme?

Ja njё listё prej 10 lojtarёve. Tё cilёt janë 18 ose nёn kёtё mos, dhe tё cilёt kanё shanse tё mira tё luajnë pёr Anglinё?

No10. Nathan Delfouneso, Aston Villa, 17, sulmues

Njё prej sulmuesve tё rinj mё emocionues nё futbollin anglez. Rekordi i tij golashënues me rezervat i ka sjellё atij vend edhe nё stolin e ekipit tё parё tё Villas, vetëm disa ditё pasi ai mbushi 17 vjet dhe menaxheri Martin O’Neill e ka shpërblyer atё me tre paraqitje kёtё sezon.

9. Victor Moses, Crystal Palace, 18, mesfushor ose sulmues

Tashmё ka 30 paraqitje me ekipin e parё para se t’i mbushё 18 vjet. I shpejtё, i fuqishëm dhe me aftësi natyrale, anësori me tipare sulmuese, i lindur nё Nigeri, tashmё ka shkëlqyer me ekipin U19 tё Anglisё.

Menaxheri i Palace, Neil Warnock, ka refuzuar njё ofertё tё majme nga Arsenali, qё tentonte tё nënshkruajё me tё njё marrëveshje katërvjeçare gjatё verёs.

8. Jose Baxter, Everton, 16, sulmues

Wayne Rooney, James Vaughan, dhe tash Jose Baxter. Vargu i sulmuesve tё klasit tё nxjerrё nga Evertoni, duket se nuk ngadalësohet. Baxter, si edhe Jack Rodwell (mё poshtё), kanё bёrё disa paraqitje me e kipin e parё tё Evertonit nё fillim tё këtij sezoni. Ai ka njё stil tё ngjashëm me atё tё Rooneyt.

7. John Bostock, Tottenham, 16, mesfushor

Ai erdhi nё Tottenham gjatё afatit tё kaluar veror nё mёnyrё kontroverse nga Crystal Palace pёr njё shumё prej 700,000 dollarёsh. Palace kërkoi pёr tё 5 milionё dollarё, por mё pas “tymuan”, kur ai u largua dhe shuma u vendos nga gjykata. Ai bёri debutimin e tij mё herët kёtё muaj, duke qenё duke u bёrё lojtari mё i ri qё ka luajtur me Tottenhamin.

6. Joe Mattock, Leicester, 18, mbrojtёs

Mbrojtёsi i majtё ёshtё lojtari i dytё mё i ri qё hyn nё kombëtaren U21 tё Anglisё, pas Theo Walcott. Ai ka njё potencial tё madh dhe tashmё ka edhe pёrvojё tё ekipit tё parё me Leicesterin nё League One tё Anglisё. Njё mbrojtës i qёndrueshёm i cili mund tё zhvendoset me lehtësi edhe mё nё sulm.

5. Danny Welbeck, Manchester United, 18, sulmues

Welbeck shёnoi golin e tij tё parё si zёvendёsues ndaj Stoke gjatё vikendit. Goli i tij nga 27 metra largësi tregoi kapacitetin e këtij tё riu. Sulmuesi i hollё qëndroi nё stol tё Manchesterit gjatё disa muajve dhe sё shpeti pritet tё sfidojё me sulmuesit Wayne Rooney, Carlos Tevez dhe Dimitar Berbatov pёr njё vend startues.

4. Jack Rodwell, Everton, 17, mbrojtës ose mesfushor

Rowell bёri hapin drejt ekipit tё parё tё Evertonit kёtё sezon, pasi trajneri David Moyes dёshtoi tё përforcoi ekipin gjatё verёs. Shanset e tij sё fundi janë reduktuar, por ai pritet ta ndërtojё murin e pasmё tё këtij ekipi nё vitet e ardhshme. Njё lojtar shumё i lëvizshёm i cili mё sё miri pozicionohet nё qendër tё mbrojtjes apo mesfushё.

3. Fabian Delph, Leeds, 18, mesfushor

Pasi mësoi mirё zanatin nё League One me Leeds dhe pasi u zhvillua nё njё prej perspektivave mё tё mira angleze, trajneri i kombëtares U21, Stuart Pearce, vlerësoi arritjet e tij duke e ftuar atё nё skuadër. Scouts kërkohet po thuaj nga çdo klub i Premierligёs, por klubi i tij ёshtё i vendosur tё marrё 6 milionё funte pёr tё hequr dorё nga shërbimet e tij.

2. Freddie Sears, West Ham, 18, sulmues

Njё sulmues tashmё i dëshmuar pёr ekipin rezervё tё West Hamit, ku ka shёnuar 25 gola nё 24 ndeshje sezonin e fundit. Ai bёri paraqitjen me ekipin e parё si zёvendёsues nё ndeshjen kundër Blackburn nё muajin mars, kur edhe shёnoi golin e fitores. Ai u bё njё startues i rregullt me ekipin nёn urdhrat e trajnerit tё ri Gianfranco Zola.

1. Jack Wilshere, Arsenal, 16, mesfushor

Çfarё mund tё thuhet mё shumё pёr tё? Sigurisht njё yll nё ngritje i kombëtares angleze dhe kjo vetëm pas disa ndeshjeve me topçinjtë. Ai ka njё menaxher perfekt, Arsene Wenger, i cili do tё nxjerrё mё tё mirёn nga ai, siç ka bёrё me njё sёrё talentesh. Ai mund ta rikthejё ndeshjen me pasime qё lehtas çajnë mbrojtjen dhe me gjuajtje tё tmerrshme.

Kush nga kёta mendoni se qё tani e meriton njё vend nё kombëtaren sendore tё Anglisё? Mendoni se ndonjëri prej tyre nuk ёshtё aq premtues, ose se ka ndonjë emёr tё ri qё mё me merritё do tё qëndronte nё kёtё përzgjedhje?