Chrome Web Store edhe në 24 shtete të reja

Nëse keni qenë duke pritur që Chrome Web Store të zgjerohet dhe të vijë në më shumë vende, atëherë duhet ta dini se Google që nga dita e sotme ka vendosur që a zxgjerojë këtë shërbim, edhe në më shumë se 24 vende të reja të botës.

Fillimisht, kur Google filloi me këtë shërbim para nëntë muajve, Chrome Web Store ishte në dispozicion vetëm për banorët e SHBA-ve, por prej sot mundësinë për ta ërdorur këtë shërbim e kanë edhe shumë vende tjera evropiane.

Bashkë me shtetet e kontinentit tonë, në listë janë edhe shtetet si Hong Kongu dhe Meksika për të përmendur vetëm disa, ndërsa lista e shteteve është më e plotë, dhe më e gjatë.

Përdoruesit e Google Chrome nga shtetet si; Argjentina, Austria, Belgjika, Brazili, Republika Çeke, Danimarka, Finlanda, Franca, Gjermania, Hong Kongu, India, Izraeli, Italia, Japonia, Meksika, Holanda, Norvegjia, Polonia, Portugalia, Rusia, Spanja, Suedia, Zvicra dhe Mbretëria e Bashkuar, mund t’i qasen këtij shërbimi të Google dhe të përdorin aplikacionet që ofrohen aty. / Telegrafi /