Trajneri i Athletic Bilbaos, Ernesto Valverde thuhet se ka rënë dakord për një kontratë dy-vjeçare për t’u bërë trajner i ardhshëm i Barcelonës.
Sipas El Correo, një marrëveshje u finalizua të dielën në mëngjes me Valverden për të përmbushur një nga ëndrrat e tij pas dy përpjekjeve të dështuara më parë, pavarësisht nga një klauzolë që lejon që Barça ose 53-vjeçari të tërhiqen para 31 majit, përcjell Telegrafi.
Për më tepër, Valverde do të zëvendësohej në Bilbao nga trajneri i ekipit B, Jose Angel Ziganda, i cili e inkuadroi Osasunën në La Liga në mes të 2006 dhe 2008.
Publikimi përfundon duke deklaruar se emërimi do të bëhet zyrtar më 29 maj, dy ditë pas përfundimit të finales së Copa del Rey.
Valverde konsiderohet si një përkrahës i stilit të posedimit të Barçës dhe ka luajtur për klubin midis viteve 1988 dhe 1990.
Trajneri i Bilbaos ka fituar Kupën dhe Kupën e Kupave si pjesë e “Ekipit të ëndrrave” të legjendës, Johan Cruyff. /Telegrafi/