Arrestohen gjashtë persona për ‘organizim të skemave piramidale dhe bixhozit të kundërligjshëm’
Policia e Kosovës, njofton se me datën 19.11.2019, në qytetin e Vushtrrisë, ka bërë arrestimin e 6 (gjashtë) personave për veprën penale ‘organizim i skemave piramidale dhe bixhozit të kundërligjshëm’.
Sipas njoftimit për media Drejtoria për Hetimin e Krimit të Organizuar, Sektori i Hetimeve, pas pranimit të disa informacioneve nga burime të sigurta, është angazhuar në terren për verifikim të informacioneve, përveç asaj janë ndërmarrë edhe veprimeve të tjera hetimore, me ç’rast është konfirmuar që në disa lokacione në Vushtrri janë duke u zhvilluar veprimtari e kundërligjshme e lojërave të fatit, të cilat kohë më parë janë ndaluar me ligj.
Në njoftim thuhet se me urdhër të Gjykatës Themelore Mitrovicë janë kontrolluar 6 (gjashtë) lokale të ndryshme në të cilat ishin duke u zhvilluar lojëra të fatit, me ç’rast si prova materiale përkohësisht janë sekuestruar :
30 TV,
17 shtëpiza kompjuteri,
2 telefona,
3 monitorë,
disa bilten për baste, tiketa dhe dokumente të ndryshme relevante për rastin.
Po ashtu në vendngjarje janë arrestuar këta persona:
I. M. lindur me 1959 m/sh/k
B. B. lindur me 1980 m/sh/k
G.P. lindur me 1990 m/sh/k
S.S. lindur me 1985 m/sh/k
F. I. lindur me 1968 m/sh/k
V. M. lindur me 1996 m/sh/k
Sipas njoftimit personat e dyshuar të lartcekur janë intervistuar dhe me vendim të prokurorit të PTH Mitrovicë janë dërguar në mbajtje për 48 orë.
Operacioni është zhvilluar në mbështetje të njësiteve policore Prishtinë, Vushtrri si dhe Inspektorati Komunal Vushtrri, të cilët kanë mbyllur të gjitha lokalet e kontrolluara./Telegrafi/
Promo
Reklamo këtuLufta Prigozhin - Putin
Më shumëGrenell kritikon Kurtin, a po përfshihet SHBA në zgjedhjet e Kosovës?
Gjendet një raketahedhës M80 në kufi me Serbinë, policia jep detajet
KQZ del me sqarim pse vendosën transportimin e fletëvotimeve nga diaspora në rrugë tokësore
Bëhen 25 vjet nga vrasja e dhjetë qytetarëve në veri të Mitrovicës – Kurti i shkruan letër Kaja Kallas
Mbi 15 mijë vota transportohen me kombibus nga Cyrihu në Prishtinë, Mehmetaj ngrit alarmin për “manipulim”
Shqipëria në luftë kundër pesticideve dhe antibiotikëve në ushqim